ME simu rai husi komunidade Lospalos

Lautem - 03 de Setembru de 2013 - Komunidade Aldeia 30 de Agostu, suku Fuiloro, sub-distritu Lospalos, distritu Lautem, entrega rai ektár 10, ba Ministériu Edukasaun ho objetivu atu harii Eskola Politéknika Turismu, Otelaria no Ospitalidade. Deklarasaun entrega rai ne’e, aprezenta husi Administradór Distritu Lautem, Zeferino dos Santos Sequeira, iha salaun edukasaun distritu Lautem, sub-distritu Lospalos, kuarta-feira, 28 Agostu.

Eskola Dom Martinho Maliana, falta livru ba alunu 11o ano

Maliana, 7 Marsu 2013.Diretór Eskola Ensinu Sekuandáriu Jeral No. 1 Dom Martinho Lopes da Costa Maliana, Juvencio de Jesus hateten, ninia eskola sei falta livru didátiku ba alunu sira nebe tur banku 110 ano. Asuntu ne’e hato’o ona ba Edukasaun Rejional maibé seidauk hetan rezultadu. Dadauk ne’e Ministeriu haruka ona livru rihun 6000 mai maibé livru sira ba 100 ano nian dei’it. No livru hirak ne’e eskola fahe hotu ona ba alunu sira atu sira bele estuda.

Pages