Ministru da Edukasaun no Kultura Prof. DR. Fernando Hanjam halo visita official ba Centru Rekursu Edukasaun Inkluzivu Taibesi

Ministru edukasaun no Kultura akompaña husi Diretór Jerál Polítika no Planeamentu halo vizita ba eskola Inkluzivu iha Taibesse Has laran. Vizita ne’e ho objetivu hodi bele observa diretamente prosesu aprende estudante sira nian iha eskola refere no prosesu hanorin profesora sira nian iha eskola refere. Aleinde vizita Ministru Edukasaun no Kultura Dr. Fernando Hanjam mós entrega matérial dedatikas balu ba iha estudante sira husi eskola Inkluzivu Taibesse.
Liu husi visita ida ne’e kordenador Centru Lidia da Costa – simu Ministro da Edukasaun akompanha husi Director Geral PPP, Inspector Geral, Director Nasional PPMA, Director Edukasaun Municipiu Dili, Superintendente Dili Director EBC Sergio de Mellho no lideransa sira seluk.

Sua Exmo Sr. Ministro da Edukasaun liu husi visita iha Centru Rekursu Edukasaun Inkluzivu hato’o importante ne’ebé tenki implementa maka hanesan tuir mai ne’e:

- Sua Exmo Senhor Prof. DR. Fernando Hanjam – Husu ba Diresaun Geral PPP no DNPPMA liu husi Departementu Edukasaun Inkluzivu atu desenvolve Centru Rekursu sai standar Nasional no exemplu;
- Hadia sala de aula atu nune’e estudantes sira bele estuda iha fatin ne’ebé kondisaun diak;
- Tanba sala de aula ne’ebé agora dadaun estudantes portador do deficiencia sira uza iha Centru Rekursu nia kondisaun la dun diak hodi hala’o apredijazem;
- Prepara plano ne’ebé diak hala’o formasaun ba profesores hodi bele hanorin estudantes portador do deficiencia ho kualidade;
- Ministro rekomenda para Centru Rekursu Edukasaun Inkluzivu tenki hatudo ho ambiente ne’ebé inkluzividade;
- Ministro da Edukasaun husu para profesores sira hanorin estudantes portador do defiencia sira ho diak no domin atu nune’e estudantes refere bele hetan asesu edukasaun ba futuru ne’’ebé susesu;
- Sua Exmo Ministro da Edukasaun hato’o ba profesore ne’ebé durante hanorin iha Centru Rekursu katak Ministerio da Edukasaun liu husi Departementu Edukasaun Inkluzivu sei kontinua halo formasaun ba - profesores sira hodi bele fo atendementu ba estudantes defiencia ho kualidade;
- Sua Exmo Senhor Ministro husu ba profesores sira ho pasensia tanba estudante ida ne’e ninia matan sorin taka metin;

Ministerio da Edukasaun tenki tau atensaun maka’as ba Centru Rekursu Edukasaun Inkluzivu iha Dili no Municipals

• Funcionario Departementu Edukasaun Inkluzivu hamutuk ho profesores sira ne’ebé durante ne’e hanorin iha Centru Rekursu sente kontenti relasiona ho Sua Exmo Ministro da Edukasaun Prof. DR. Fernando Hanjam nia visita;
• Liu husi visita ida ne’e Ministro ho Director Geral no lideransa sira seluk bele hatene diak liu tan kona-ba desenvolvimentu Edukasaun Inkluzivu iha Timor-Leste, liu-liu maka orcamentu ne’ebé limitado teb-tebes ba Departementu ida ne’e;
• Tinan 2017 proposta Edukasaun Inkluzivu fo fila fali ho razaun orcamentu la iha atu halo formasaun ba profesores;

Merenda Eskolar iha Centru Rekursu Edukasaun Inkluzivu Dili
Ministro da Edukasaun observa dereitamente kona-ba merenda eskolar iha Centru Rekursu Edukasaun Inkluzivu hodi hatene lolos sistema atendemento ba estudantes Portador do deficiencia sira iha Centru Rekursu;
Ministro da Edukasaun hus Senhora Lidia nudar kordenador bele tau atendementu diak liu tan ba estudantes sira oinsa distribuisaun merenda eskola durante ne’e la’o diak la’e?
Iha oportunidade diak ida ne’e hatudo momos katak Ministerio da Edukasaun no Kultura tenki tau atensaun diak liu ba estudantes portador do deficiencia iha Centru Rekursu no eskolar regular/publiko sira seluk iha kapital Dili no Timor laran tomak;

Ministro da Edukasaun Intrega ekipamentus ba Estudantes portador do deficiencia iha Centru Rekursu Taibesi.
• Ministro da Edukasaun nudar superior ne’ebé ba area Edukasaun iha Timor-Leste ho laran luak no domin tomak halo visita ba Centru Rekursu ba Edukasaun Inkluzivu;
• Ministro da Edukasaun intrega ekipamentus toka, bola volley no librus ba estudantes sira iha Centru Rekursu;
• Senhor Ministro nia presensa halo estudantes sira nia laran kontenti tebes;
• Wainhira Sua Exmo Senhor Ministro da Edukasaun intrega ekipamentu sira ne’ebé ba estudantes aiste husi Inspectur Geral Ministerio da Edukasaun nian;
• Objectivu Ministro intrega viola ida ne’e estudantes sira bele toka no halo sira kontenti diak liu tan. Tanba muzika halo estudantes sira bele estuda no matenek lalais;