Programa Sensibilizasaun Ba Prevensaun Moras Virus Corona (Covid 19) Hala'o simultánramente iha nivel Edukasaun Munisipal Sira.

Programa Sensibilizasaun Ba Prevensaun Moras Virus Corona (Covid 19) Hala'o simultánramente iha nivel Edukasaun Munisipal Sira.
Hafoin MEJD lansa programa refere iha semana kotuk (11/03/2020), hahú ohin 19/03/2020, implementa ona iha fase sensibilizasaun nivel munisipal nian.
Iha Munisipiu Aileu, Dili, Manatuto, Manufahi, Likisa, Viqueque, no munisipiu sira seluk. Faze sensibilizasaun ne'ebe fornese hosi Care International (parseiru MEJD) akompaña ho Tekniku hosi Ministério Saúde (MS), hetan partisipasaun maksimu hosi Kordenador no Profesores Pre-Eskolar (PE) sira, Inspektur PE sira no mos reprezentante hosi autoridade lokal no Lider Komunitariu sira iha Munisipiu hirak ne'e nian.
Importantansia hosi sesaun ida ne'e mak, oinsa fahe informasaun no kuinesimentu ba figura xave hirak ne'e tanba sira mak iha oportunidade bot liu iha influensa ba komunidade (liu-liu estudante sira) nia moris. Sira nia papel bele ajuda Manorin no Inan-Aman sira eduka no hatoman estudante sira moris saudavel, hahú hosi uma laran ba eskola no iha komunidade.
Bainhira sira hetan informasaun no kuinesimentu sufisiente, ameasa hosi surtu Covid 19 bele prevene hahu hosi resintu eskola. Eskola sei sai fatin siguru hodi prepara futuru Timor-Leste nian.