Workshop ANAAA


Atu hasa’e kapasidade Institutu Ensinu Superiór iha Timor- Leste, Ministériu Edukasaun ho Ajénsia Nasionál Avalia­saun, Akreditasaun Akadémika (ANAAA) organiza workshop durante loron 2, iha Otel JL Vila Comoro Dili.

Bendito Freitas, Ministru Edu­kasaun, ba jornalista sira, ha­teten, ME ho ANAAA organiza workshop durante loron 2 ne’e atu hasa’e kualidade edukasaun iha instituisaun Ensinu Su­periór iha Timor-Leste liu husi haforsa sistema asegura kuali­dade interna.

“Ohin ita iha matenek na’in (péritu) na’in rua husi nasaun Indonézia, Prof. Willy Toisuta hanesan International guest speaker mai fahe sira nia per­spektiva internasionál kona-ba asegura kualidade esternu no internu ba iha ensinu ne’ebé ita bele partilla. atendimentu ba instituisaun ensinu superiór iha TL iha mós dezafiu barak tanba ne’e presiza duni atu rona esperiénsia no per­spetiva hirak ne’e bele hametin liutan atendimentu iha sosiedade akadémiku ensinu superiór.

Ministru esplika liutan katak, en­sinu superiór hanesan nível edu­kasaun ne’ebé atu forma sidadaun tama mundu reál tan ne’e husu ba universidade hotu iha Timór laran tenki prosesu neneik labele ansi atu hetan graduasaun.

“Maibé haree husi parte kualidade rasik laiha garantia ida katak sira­nia formasaun ne’e, hala’o estudu to’o remata prosesu ne’e, atu gar­antia kualidade, importante tebes atu hasa’e no garantia kualidade ensinu nian,”dehan Bendito.

Relasiona ho kualidade Ministru Edukasuan mós hatete tuir planu iha tempu badak nia laran ME sei halo avaliasaun ba klase parale­lu ne’ebé universidade sira loke hanesan kios iha distritu sira tan­ba universidade barak loke klase paralelu maibé laiha kualidade.

“Ministériu Edukasaun iha ona dadus kada institusaun superiór iha distritu ne’ebé de’it ho sirania kualidade, ho sirania dokumenta­saun infrastrutura ka kursu sira, ami iha kompletu.

Bendito husu bá universidade ne’ebé mak rekuoñese nia an laiha kapasidade atu loke klase paralelu iha distritu sira, di’ak liu lalika ha­noin atu loke no di’ak liu universi­dade ne’e konsentra uluk iha Dili no iha ona kualidade maka ba loke iha distritu.

Iha fatin hanesan Diretór Ezekuti­vu interinu ANAAA hatete objeti­vu ANAAA nian mak haforsa kual­idade internal ensinu superiór iha teritóriu laran tomak no mós kon­vida péritu na’in rua husi Indon­ezia mai fahe sirania esperiénsia konabá garantia kualidade internal nian mós esterna tanba la’os inter­nal de’it maibé iha mós esternal.

Tanba ne’e mak sira mai atu hab­elar no fó informasaun sira ne’e ba iha instituisaun ensinu superiór sira tanba durante ne’e ensinu superiór sira seidauk kumpriende diak kona-ba garante kualidade edukasaun. Dalaruma universidade buka simu de’it estudante maibé públiku lahatene kona-ba kualidade no estudante de’it mós lahatene saida mak kualidade.

Constantino Godinho deklara katak pa­pél ANAAA atu fo tékniku másimu ba en­sinu superiór hotu iha teritóriu tomak ne’e maka kria worshop ida ne’e hodi involve in­stituisaun hotu atu rona papél no objetivu ANAAA nian.

Aleinde ne’e, iha worshop ne’e involve mós universidade sira ne’ebé mak prienxe ona kritéria ne’ebé mak ANAAA iha hanesan Instituisaun Canossa no ICP Baucau nian hodi fahe esperiénsia kona-ba oinsa priénxe kritéria hirak ne’e ho kualidade.