Planu ZEESM Atu Hetan Susesu, Tenke Dezenvolve Área Eduka­saun.

Edukasaun iha rejiaun Oe-Cusse hanesan rejiaun sira seluk iha Timor-Leste nian, Edukasaun im­portante.
Solusaun ba longu prazu, ba Dezenvolvimentu planu ZEESM atu hetan susesu di’ak maka tenke dezenvolve Edukasaun.
Lia hirak ne’e, hateten koorde­nadór Zona Espesiál Ekonomia Sosial Merkadu (ZEESM), Arsénio Paixão Bano ba Buletin Sapiénsia foin lalais ne’e iha-nia rezidénsia Oe-Cusse.

Situasaun populasaun sira iha reji­aun Oe-Cusse komesa di’ak uituan, la hanesan tinan-tinan antes.
Arsénio paixão Bano mós hateten tan katak, Ministériu Edukasaun oras ne’e haruka ona kadeira ho meza ba eskola sira iha Oe-Cusse.

Ikan lanu Estudante 465 na’in 49 grave

Tuir informasaun husi parte ospitál, husi totál estudante 465 ne’ebé evakua ba os­pitál Nasionál, na’in 49 maka grave no tau soru baixa hela iha banku urjénsia, enkuantu sira seluk simu ai-moruk fila ba idak-idak nia uma.

Diretór Eskola EBC 30 de Agostu, Filomeno Salsinha, haktuir ba journalista sira iha EBC 30 de Agostu Comoro Dili katak, baibain estudante sira hán iha tuku 10:00 Am, horiseik ne’e derre­pente de’it iha tuku 10:30 Am estudante sira he­tán ona sintoma, balun isin katar, oin mean, no balun muta.

ME husu kompañia finalize konstrusaun Eskola Referénsia

Ministru Edukasaun Bendito dos San­tos Freitas husu ba kompañia ne’ebé ka’er obra konstrusaun edifísiu eskola referénsia, atu finaliza ona. Tanba ministériu hakarak utiliza edifísiu ne’e ba prosesu aprendizájen

Konstrusaun ba edifísiu eskola referénsia iha Distritu Mana­tutu, Baucau, Maliana, Ermera no Oe-cusse kleur ona. Maibé, kompañia ne’ebé ka’er obra ne’e seidauk finaliza.

Inaugura Eskola EBF Seiçal, ME Agradese Doadór sira

Ita agradese ba doadór sira no estadu ho governu, tanba atensaun dedika tomak ba dezenvolvimentu edukasaun ba futuru Timor- Leste nian.
Investe ba edukasaun, investe ba futuru labarik sira nian!!!

Rai Seiçal iha ema matenek barak maibé, estadu no gov­ernu ejize liután atu serbisu. Ne’e duni, ba Seiçal oan sira tenke hakás-an dezenvolve seitór edukasaun la’o ba oin.

EBC Fatumea sei falta fasilidade

Eskola Ensinu Báziku Sentrál Públiku (EBC), Sub Dis­tritu Fatumea, Distritu Covalima sei falta fasilidade hanesan sala ba prosesu aprendizájen sei menus, ar­majen atu rai fós merenda eskolár laiha no hakarak husu ba ministériu edukasaun atu fó tan formasaun bá profesór kontratadu na’in rua (2) ne’ebé oras ne’e sei nafatin kon­tratadu.
Kestaun ne’e hato’o husi Diretór EBC Sub Distritu Fatumea, António de Deus Lima B.ed bá Buletin Sapiénsia iha nia serbisu fatin Suai Covalima.

ME komemora loron mundial lian Inan

Polítika Ministériu nian maka promove edukasaun bazeia ba ensinu multi lin­gua tanba ne’e maka lian inan nia papél importante atu fó tulun ba labarik sira ba eskola liuliu tinan da­huluk tama eskola atu bele fasilita prosesu aprendizájen labarik sira bele entende esplikasaun profesór sira iha sala lar­an.

Lia hirak ne’e Ministru Edukasaun Bendito dos Santos Freitas hateten ba jornalista sira iha loron komemorasaun lian inan, Sexta feira, 21/02/2014 iha Sentru Konvensaun Dili.

ME Realiza EnkontruT Trilateral

Timor-leste hamutuk ho universidade husi nasaun viziñu Austrália, Indonézia serbisu hamutuk hametin dezenvolve edukasaun iha nível sub rejional nia laran. Kompromisu ne’e mosu liu husi enkontru entre parte tolu iha Ho­tél Timor, segunda (05/05/2014).

Ministru edukasaun, Bendito dos Santos Frei­tas fó sai katak, enkontru ne’e atu haree papél kona-ba instituisaun ensinu universidade iha rejiaun sub rejionál nian, partikularmente ku­perasaun ne’e halo husi Charles Darwin Uni­vercity, Universidade Nasionál Timor Lorosa’e (UNTL) no Universidade Udayana Bali, In­donézia.

Pages