DNB realiza treinamentu ba Profesór sira

Ministériu edukasaun (ME) liu husi Dir­esaun Biblioteka Eskolár fó treinamentu ba profesór na’in 75, husi Ensinu Báziku Sen­trál (EBC), no mós husi ensinu Sekundáriu Distritu 13. Objetivu formasaun ne’e atu hasa’e kapasidade hodi halo jestaun ba bib­lioteka eskolár iha futuru. Formasaun ne’e hala’o durante loron 2 iha fulan Jullu tinan 2014, iha salaun ensinu rekorrente Vila- Verde Dili.

Marçal Avelino Ximenes, Vise Ministru En­sinu Superiór no siénsia, hatete, durante ne’e livru sira soe arbiru de’it, tan ne’e presiza in­formasaun husi formasaun hanesan ne’e atu bele hatene haloot livru ne’ebé relasaun ho kurríkulu iha sira-nia fatin.

Ho Espozisaun Fízika bele hakbi’it kapasidade Profesór no alunu sira

Espozisaun fízika, inisiativa husi programa governu portugeza liu husi Vise Ministru Edukasaun ensinu superiór siénsia no teknolojia ne’ebé halo hanesan polí­tika ida atu lori informasaun direta ba iha eskola sira kona-ba siénsia fízika. Espozisaun fízika hanesan, an­tes ne’e hala’o tiha ona iha eskola 46 no hetan vizita ema na’in rihun 95.

Ho objetivu atu haree ba eskola sira kona-ba utilidade instrumentu loroloron ne’ebé sai hanesan elementu báziku hodi sai ezemplu iha kuñesimentu fízika.

ME simu esperiénsia Cabo Verde Halo Melloramentu Edukasaun Iha Timor-Leste

Enkontru ida ohin ME halo ho institutu universitáriu Cabo Verde nian ne’ebé vizita husi Doutor Florencio Mendes Varela ne’ebé fahe-nia esperién­sia kona-bá evolusaun prosesu edukasaun iha Cabo Verde nian durante tinan hirak ne’ebé sira hahú sira-nia independén­sia liuliu ko’alia kona-ba área ne’ebé ligadu tebes ba formasaun profesór no mós kona-ba lian hanesan instrumentu ba ensinu.

Sei Halo Mudansa Ba Diretór no Funsionáriu ME

Ministériu Edukasaun (ME) iha tempu badak sei halo mudansa ba nia diretór no funsionáriu sira, hahú loron 7 fulan Maiu, Ministériu Edukasaun iha ona planu atu halo mudansa ba direitór no funsionáriu sira ne’ebé la halo servisu. Asaun ida ne’e foti, atu hadia servsiu husi nível nasional to’o dis­tritu, atu hatudu servisu profesional.

Ita seidauk atinji grau masimu eze­kusaun hanesan servidór estadu. Prinsipalmente hanesan diretór hanesan líder iha instituisaun, hau hanoin la’os hanesan novidades foun ona ita atu rekoñese ita nia an katak ita la halo buat ida diak liu ita hatete sai no onestu

Universidade Malaysia Sabah (UMS), Promove Manual Atividade ba ME

Universidade Malaysia Sabah (UMS), hala’o promosaun ninia manual atividade mai minis­tériu edukasaun Timor-Leste. Iha inkontru ho Vise Ministru Ensinu Superiór, Molly Don­na Datuk HJ. Awang SHAM, reprezentante reitór UMS in­forma katak UMS nia misaun no vizaun atu promove rekursu umanu ho kualidade husi área oi-oin hanesan univesidade sira iha mundu.
Alein sira esplika vizaun no mi­saun, reprezentante UMS ne’e mós promete sei oferese bolsu estudu ba timoroan tuir nesesi­dade nasaun foun ida ne’e nian liu husi ministériu edukasaun timór-nian

Fakuldade Emfarmajen La Halo Pratika, Reitor Institutu Kristal Hasoru ME

Vise Ministru Ensinu Superior no Siensia Avelino Marcal, ha­teten durante ne’e estudante final­ista husi fakuldade Emfarmajen Institutu Kristal balun reklama mai iha Ministériu Edukasaun, keixa ba Parlamentu Nasional no hato’o mos ba Xefi Governu. Pri­meru Ministru haruka despaxu mai ministériu. Maka ministériu halo xamada reitór ho nia aliadu sira mai ministériu, halo ekon­tru no rona katak problema iha edukasaun laran ne’e responsavel konjunta.

ITB Aprezenta Relatóriu Harí Edifísiu Politéknika Ba ME

Institute Tegnologi of Bandung (ITB) aprezenta relatoriu dezeñu mestre politékniku 3, Suai, Same, Lautem inklui Akedemia Peska ba Distritu Manatuto ba Ministériu Edukasaun.

kurrikulu importante tebes ba estabelesementu politéknika no akademia Peska inklui koalia konaba mapa atu harí edifisiu politéknika iha distritu haat no koalia mós konabá master plan no ikus maka deze­ñu detailhadu tékniku.

ME Inagura EBF Mahata Oecusse

Oecusse, 23/04/2014 - Ministru, Edukasaun Bendito dos Santos Freitas, ho Vise Min­istra edukasaun pré-eskolár, Dulce de Jesus soares no vise ministru edukasaun ensinu sekundáriu jerál, Virgilho Smith, hala’o inagurasaun ba Eskola Ensinu Báziku Filial (EBF) Mahata distritu Oecusse.

Iha diskursu, Ministru Edu­kasaun Bendito dos Santos Freitas hateten, Ida ne’e polítika ministériu nian konabá eskola foun.

Profesór 30 sai Treinadór ba Edukasaun Inkluzivu

Dili, 14/03/2014 - Profesór 30 husi dis­tritu tolu, Dili, Aileu no Lospalos ofisialmente sai ona treinador Nasional ba Edukasaun inklusivu ho nia objectivu atu fó treinamentu fali ba profesór sira seluk iha En­sinu Basiku no Filial.Edukasaun nia papel prinsipál atu asegura labarik hot-hotu bele asesu edukasaun ho direitu hanesan tuir fundamental legal ne’ebé hakerek ona iha konstitusional.
Chefe Nasional Edukasaun Inkluzivu, Ministériu Edu­kasaun, José Monteiro ha­tete lia hirak ne’e Sexta feira (14/3/2014) iha Instituto Marry Mackillap, Becora

ME HALO AVALIASAUN BA MANUAL LIVRU 2014

Dili, 12/03/2014 - Ministériu Edukasaun liu husi Diresaun Nasional Kurrikulu no Avalia­saun eskolár hala’o enkontru ba avaliasaun manual eskolá 2014. Atu aprezenta disiplina kurri­kulu ba dahitu no dasia ne’ebé presiza tebes livru sira ba pros­esu apredizájem.

Ministru Edukasaun Bendito Freitas kasu lia hirak ba Jornal­ista sira Quarta (12/3/14) hafoin enkontru avaliasaun ba manual 2014 ho diretór nasional sira hotu iha diresaun Ministériu Edukasaun.

Pages