Liquiçá, 08/09/2024
Sua Exelénsia Ministra Edukasaun Dra. Dulce de Jesus Soares ho Sua Exelénsia Sekretáriu Estadu ESG no ESTV Sr. Domingos Lopes Lemos hamutuk ho Sua Exelénsia Vise-Ministru Komérsiu Industria Dr. Augostu Junior Trindade, simu peregrinu sira husi Foin Sae Katólika (FOSKA) na'in-141 ne'ebé la'o ain husi Munisípiu Ermera to'o iha fatin akantonamentu Tibar hodi halo preparasaun atu partisipa iha misa Sua Santidade Papa Francisco nian iha Tasitolu Díli.
Iha oportunidade ida-ne'e ne'e Padre Vigáriu Forraniu Vigararia Ermera Pe. Ricardino C. Mendonça, hato'o agradese ba membru governu destakadu, "Sua Exelénsia Ministra Edukasaun Dra. Dulce de Jesus Soares ho Sua Exelénsia Vise-Ministru Komérsiu Indústria Dr. Augostu Junior Trindade ho ekipa tomak, tanba Ita-Boot sira-nia servisu ami mós sente seguru no ami to'o mai iha fatin ida ne’ebé preparadu no iha kondisaun atu bele hakman ami-nia an no prepara ba misa ida ne'ebé ita sei selebra hamutuk ho Sua Santidade Papa Francisco.
Iha fatin hanesan responsável FOSKA Munisípiu Ermera Sr.Eduardo Tilman hateten, peregrinasaun ida-ne'e hanesan asaun peniténsia ida ne'ebé foin sae sira hakarak halo, atu nune'e ami bele deskobre tan ami-nia fiar iha fiar katólika nian."
Aleinde ne'e Sua Exelénsia Ministra Solidaridade Sosiál Dra. Verónica das Dores, ho ekipa entrega mós material sira hanesan lona, biti, maskera no hahan ba peregrinu sira husi Munisípiu Ermera.
#Média ME
