Díli - Sexta-feira, 31 Maiu 2024
Ministériu Edukasaun realiza Komunikadu Imprensa kona-bá progresu bolsa kandidatu ba manorin iha faze daruak hahú loke inskrisaun iha loron 29 Maiu to’o loron 13 Juñu 2024 iha territóriu laran tomak. Konferénsia Imprensa ne’e reliza iha salauan konferénsia Ministériu Edukasaun,Vila-Verde.
Iha konferénsia impresa ne’e Porta-Voz Gabinete Ministra Edukasaun Sr. Filipe Rodrigues Pereira hateten, loron hira liubá Ministra Edukasaun halo lansamentu ba abertura bolsa kandidatu iha Manututu ba segunda faze no loron rua liubá hahú loke rejistu simu aplikante sira.
Iha fatin hanesan, Diretora Rekursu Umanu Sra. Anita Tavares Martins hateten, bolsa kandidatu ba faze daruak nian sai ona tuir despaxu ministeriál nú. 19/2024 8 de Maiu. Nune’e, iha 29 Maiu Dili mak se simu uluk, tanba tékniku husi Ministériu Edukasaun liuhusi Rekursu Umanu tenke dezloka iha munisípiu hotu-hotu.
"Dili nian iha loron 29 maiu loron dahuluk simu ona dokumentu kandidatu nian hamutuk 152 , prosesu ida ne’e to'o 13 de Juñu 2024 ita loke loron durante semana rua nia laran atu nune'e aplikante sira bele lori sira -nia dokumentu ba hatama. Ba sira ne’ebé la pasa iha teste bele tuir fali, sira ne’ebé foun mós bele tuir fali, ida ne’e ami sujere sira ba halo kompleta fali aplikasaun sira nia dokumentu iha Munisípiu no mós iha INFORDEPE.
#jornalistapauladelgado
#MédiaME
