𝙈𝙄𝙉𝙄𝙎𝙏𝙍𝘼 𝙀𝘿𝙐𝙆𝘼𝙎𝘼𝙐𝙉 𝙋𝘼𝙍𝙏𝙄𝙎𝙄𝙋𝘼 𝙄𝙃𝘼 𝙎𝙀𝙎𝘼𝙐𝙉 𝙎𝙊𝙇𝙀𝙉𝙀 𝘽𝘼 𝙑𝙄𝙕𝙄𝙏𝘼 𝙊𝙁𝙄𝙎𝙄Á𝙇 𝙋𝙍𝙀𝙕𝙄𝘿𝙀𝙉𝙏𝙀 𝙎𝙀𝙉𝘼𝘿𝙐 𝙆𝘼𝙈𝘽𝙊𝙅𝘼

Díli, 8 Maiu 2025 – Sua Exelénsia Ministra Edukasaun Dra. Dulce de Jesus Soares, partisipa iha sesaun solene ba vizita ofisiál, Prezidente Senadu Kámara Alta Parlamentu Camboja, Sr. Samdech Akka Moha Sena Padei Techo Hun Sen, iha Sala Plenária Parlamentu Nasionál.

Objetivu husi sesaun solene ne’e, hanesan sentidu agradesimentu ba apoiu ne’ebé Prezidente Kamboja fornese ba Timor-Leste nia kandidatura ba adezaun ASEAN nian, no mós integrasaun timoroan sira nian ba organizasaun rejionál ne’e.

Prezidente Senadu Kamboja ne’e mós senti kontenti, tanba haree nasaun rua troka beibeik vizita no komunikasaun sira iha tinan hirak ikus ne’e, no nia deseja katak relasaun polítika ne’ebé metin liu mak baze importante hodi dezenvolve relasaun sira iha aspetu ekonomia, komérsiu, investimentu, sósiu kulturál no seluk tán.

#MédiaME