Díli – Kinta-Feira, 06 Juñu 2024
Sua Exelénsia Ministra Edukasaun Dra. Dulce de Jesus Soares hala’o audiénsia ho Embaixadór Designadu ba Vietnam Sr. João Pereira ho objetivu atu identifika potensialidade kooperasaun nian, serve hanesan ponte ligasaun entre estadu rua aleinde simu informasaun sira husi instituisaun ida-idak.
Iha enkontru ne’e, S.E. Ministra Edukasaun Dra. Dulce de Jesus Soares realsa importante husi kooperasaun mak importánsia husi literasia, lian materna, formasaun no esplora potensialidade foun liga ho profesór no funsionáriu sira hanesan inspesaun, administrasaun no finanasas.
“Durante enkontru ne’e aborda mós asuntu kurrilulu nian, prosesamentu ai-han no kooperasaun posível oioin ba futuru foka ba nesesidade reál Estadu nian, husu mós hodi foka ba manuál eskolár, nune’e bele hetan rekomendasaun ba governu”, dehan Ministra Edukasaun.
Duante enkontru ne’e sei aborda tan asuntu merenda eskolár no interligasaun liña ministeriál hanesan ME, MCI, MAP no MAE.
#jornalistaluis
#MédiaME
