Ainaro, Kuarta-feira, 20 Novembru 2024
Ministériu Edukasaun liu husi Diretór Nasionál Edukasaun Pre-Eskolár (DNEPE) Sr. Domingos Belo Soares Hamutuk ho reprezentante Diretór Edukasaun Munisípiu Ainaro nian fó Formasaun Programa Instensivu ba manorin sira, iha Salaun Edukasaun Munisipiu Ainaro.
Iha intervensaun Diretór Nasionál Edukasaun Pre-Eskolár Sr. Domingos Belo Soares hateten, “objetivu prinsipál no ninia importánsia edukasaun sedu ba labarik sira, tanba agora hare’e edukasaun sedu ba labarik sira ne’e mak labarik ida ne’ebé hahú husi tinan 3 to’o 6 presiza Edukasaun Pré-Eskolár molok sira atu ba kontinua 1° ano iha Ensinu Báziku”
“Edukasaun sedu iha kolokasaun ita bele dehan haree husi Edukasaun Non-Formal ne’e katak edukasaun hahú husi uma laran no Edukasaun Formal mak ita haree liu husi sira nia saúde no dezenvolvimentu fíziku”, dehan Diretór Nasionál DNEPE.
Iha atividade ne’e, marka prezensa másimu husi reprezentante Diretór Servisu Edukasaun Munisípiu Ainaro, ekipa HANDS nomos manorin na’in sira.
#MédiaME
