BAUCAU, 06 Agostu 2021, Sapiensia – Vice Ministru Edukasaun, Juventude, no Desportu no Embaixador Thailandia halo vizita ba eskola EBC Tiriloro Munisipiu Baucau.
“Ita boot sira hatene ita nia prinseja Mahacakry Thailandia nian kada tinan rua oferese premiu melhor professor ba Timor oan,” dehan Vice Ministru Edukasaun, Juventude, no Desportu, Antonio Guterres ba jornalista wainhira remata vizita eskola EBC Tirilolo Baucau, Sesta (06/08/2021).
Nia hatutan, ba tinan nee diretor eskola EBC Tirilolo Vicente Marcal da Silva sai melhor profesores ba dahaat nian neebe mak hetan premiu prinseza Mahacakry nian.
Nunee mos vizitasaun vice MEDJ ho Embaixador Thailandia iha eskola EBC Tirilolo objetu atu kordena ho profesores sira iha munisipiu Baucau halo preparasaun ba loron 29 fulan outubro tuir planu MEDJ nian atu atribui prinseja Mahacakry ba profesores neebe mak sai melhor profesores ba dahaat.
Iha fatin hanesan Diretor Eskola EBC Tirilolo, Vicente Marcal da Silva hateten, premiu no osan montante boot neebe mak hetan, tuir planu sei hola traktor natar nian atu reforsa programa merenda eskolar nian nomos atu minimiza Drop Out estudante neebe mak sai husi eskola la remata sekundaria.
“Tanba estudante nee ekonomia fraku, vida sobrevivensia fraku tebes hau iha dadus ida nee nian, neebe hau sei hola hand hand Tractor ida ba sira,” katak Vicente.
Nia hatutan tan, osan nee mos sei ajuda merenda eskolar ba eskola pre-primaria, pre-eskolar sira neebe iha Postu Baucau Vila.* (media.gab.min.Bosco}
