Previous Next

VISE-MINISTRU EDUKASAUN, JUVENTUDE NO DESPORTU PARTISIPA IHA SEREMÓNIA DISTRIBUISAUN MATERIA EZAME NASIONÁL

Díli, 13/11/2020 - S. Exa Vise-Ministru Edukasaun, Juventude no Desportu Dr. António Guterres partisipa iha distribuisaun matéria ezame nasionál ba munísipiu sira inklui RAEOA ba estudante finalista 9° ano ensinu báziku no 12° ano ensinu sekundáriu no tékniku vokasionál hodi tuir ezame nasionál hahú husi loron 16 to'o 18 fulan-Novembru tinan 2020.
 
Husi dadús ne'ebé iha, total eskola hamutuk 444 mak iha kandidatu alunu ba ezame nasionál ho total estudante finalista hamutuk nain 55.072 ne'ebé kompostu husi ensinu báziku nain 30.359, ensinu sekundáriu jerál nain 20.145 no ensinu sekundáriu tékniku vokasionál nain 4.568.
Tuir kalendáriu ne'ebé iha, rezultadu ezame nasionál sei anunsiu ka fo sai iha loron 18 fulan-Dezembru tinan 2020.
Partisipa iha seremónia entrega dokumentu materia ezame nasionál ne'e mak dirijente sira MEJD, Diretór sira Servisu Edukasaun munisipal, reprezentante Kompañia Sylvia Xerox Dili no tékniku sira.
HOTU

Imprimir   Email