Previous Next

VISE-MINISTRU EDUKASAUN, JUVENTUDE NO DESPORTU HALA'O ABERTURA BA KOLÓKIU NASIONÁL BA REKUPERA APRENDIZAJÉN HO SEGURU

Atividade Acessos: 1135

Díli, 29/07/ 2020 - S.Exa. Vise-Ministru Edukasaun, Juventude no Desportu Dr. António Guterres hala'o abertura ba kolókiu nasionál ho tema "Rekupera Aprendizajén ho Seguru" ne'ebé organiza hosi Diresaun Jeral Pre-Eskolar, Ensinu Báziku no Ensinu Rekorente, MEJD hamutuk ho parseiru UNICEF. Antes ne'e iha loron 27 fulan Jullu 2020, Vise-Ministru Edukasaun, Juventude no Desportu Dr. António Guterres hamutuk ho UNICEF-Timor Leste hala'o lansamentu ba kampaña "Rekupera Aprendizajén ho Seguru" ne'ebé realiza iha EBC Esperansa da Pátria, Becora, Díli.

Iha diskursu abertura Vise-Ministru agradese ba UNICEF ba kontinua suporta ba MEJD no apresia kontribuisaun no komitmentu atu ajuda MEJD iha kombate inimigu invizível COVID-19 no asegura kontinua prosesu aprendizajén prezensiál maibé tenke kumpri kriteria sira ne'ebé define ona.

Tuir informasaun atualizadu hosi nivel eskolár sira katak mais 1,500 eskola mak hahú ona prosesu ensinu aprendizajén ba Pre-eskolár no ensinu báziku kuaze 95% ona no Ensinu Sekundáriu Jeral no Tékniku Vokasional kuaze 96% ona.

Partisipa iha kolókiu nasional ne'e mak Diretór Edukasaun Munisípal, Superintendente no Inspetór Eskolár sira hotu.

HOTU

#MídiaGVMEJD

Imprimir