TLS La Komemora Loron Mundial Alfabetizasaun tanba COVID-19

Dili, 8 Setembru 2021 (Sapientia)-Ministru Edukasaun Juventude no Desportu (MEJD), Armindo Maia, hateten Timor-Leste (TLS)  tinan ne’e la selebra loron mundial alfabetizmu tanba Dili Aplika konfinamentu obrigatóriu.

Nia hateten, tema mundial ba selebrasaun loron alfabetizasaun ba tinan ida ne’e maka” Literacy for human-centered recovery reducing the Digital divide”.

“hau hakarak fo hanoin bai ta hotu katak  koalia kona ba edukasaun ne’e la hatene ka la haree ba ita nia idade. Nune’e  husu bai nan ho aman, labarik foin sa’e sira  ne’ebe seidauk hetan oportunidade eskola aproveita didiak aportunidade hodi aprende teknolojia, Ministru MEJD hateten ba jornalista sira iha Ministeriu Finansas Aitarak laran Dili.

Tuir rezulusaun Governu númeru 2/2007. Relativamente estabelesimentu ba komisaun nasional alfabetizasaun hatudu katakanalfabetizmu ba ema adultu iha Timor-Leste atinje to’o 50%. Ka liu ema hamutuk 275.000.

Situasaun ida ne’e dezafiu boot id aba dezenvolvimentu nasaun nian espesialmente iha seitor saude produtividade susesu ba edukasaun infantile.

Tuir rezultadu sensu  2015, hatudu katak maisumenus ema na’in 253.000 liu idade 15 ba leten alfabetismu no hosi númeru ne’e ema na’in 17.000 maka hetan apoiu ka tulu hosi programa nasional de alfabetizasaun hosi Governu Cubano.

Tuir dadus sensu Agrikultura 2018 hatudu katak ema ne’ebe la hatene  hakerek no la hatene lee hamtuk ema na’in 68.07% hosi pursentu ne’e ema tinan entre 15 to’o 21 ne’e hamutuk ema na’in 83.54%.

Liu hosi komunikadu imprensa hosi organizasaun  Nasaun Unida ba Edukasaun, Siensia no Kultura (UNESCO sigla Portugues) ne’ebe SAPIENTIA asesu katak kona ba edukasaun, maske susesu iha parte balun, maibe sei iha dezafiu ba alfabetizasaun liliu iha tempu situasaun COVID-19 ne’e difikulta ba akizisaun abilidade bázika ba alfabetizasaun menus liu ba ema adultu no joven hamutuk rihun 773.

Situasaun COVID-19 interrompe tebes ba atividade aprendizajem ba labarik joven no inklui ema ida boot  ida ne’e eskala ida ne’e maka nunka akontese.

Nune’e mós ida ne’e hamosu dezigualdade pre-eksistente susesu ba oportunidade signifika alfabeitzasaunafetadu desporposionalmente ba  labarik joven ema hamutuk rihun 773 maka la hatene lee no hakerek.

Tuir dokumentu ne’e mós  haktuir katak, mezmu tempu kuaze gloal dadaun ne’e, esforsu ne’ebe afeitu nuudar alternativu hodi garante kontinua aprende ezekutivu maske distansia maibe sai konbinasaun hanesan aula prezensial.

 

Media. Gab. Min. : João Bosco Xavier Carvalho


Imprimir   Email