MEJD AGRADESE UNICEF NO UNIAUN EUROPEIA

DILI 12 Agustu 2021- Sapiénsia Ministru Edukasaun Juventude  no Desportu Dr. Armindo Maia agradese ba UNICEF no Uniaun Europeia  ne’eb’e apoiu nafatin edukasaun iha Timor-Leste liu-liu iha situasaun Pandemia global Covid-19.

Hodi governu Timor-Leste nia naran hakarak hato’o ha’u nia agradese wa’in ba Nasoins Unidas partikularmente UNICEF ba parseriu hamutuk ho Ministériu Edukasaun Juventude no Desportu hodi eleva kuálidade edukasaun iha país ida ne’e no hodi luta kontra violénsia kontra feto no labarik feto sira.

Nune’e mós Ministériu Juventude Desportu nia naran hato’o  hau nia apresiasaun boot ba komunidade Europeia ne’ebé reprezenta Embaixadór Uniaun Europeia mai Timor-Leste ba apoiu tomak hodi apoiu liu taan kuálidade edukasaun  iha Timor-Leste no esforsu tomak ne’ebé direita ou indeireitamente hamutuk ho Nasoins Unidas atu kombate violénsia feto no labarik feto sira hanesan prioridade iha país ida ne’e.

MEJD rasik hálo ona esforsu maka’as no bebeik atu reduz violénsia sira iha eskola hotu iha teritóriu laran tomak, ita hakark labarik hotu tenki seguru no kontente iha eskola, wainhira labarik seguru no kontente iha eskola, kontribui maka’as  ba sira nia dezenvolvimentu no mós ba rezultadu aprendizajen ida ne’ebé pozitivu, tanba ne’e MEJD implementa ona inisiativa di’ak atu livre husi violénsia iha nível eskolaridade oi-oin.

Iha 8º governu konstituisionál MEJD iha papél importante ida mak atu promove partisipasaun demokrátiku ho inluzivu no fó oportunidade ne’ebé hanesan no mós hametin kondisaun hanorin no aprendizajen nian hodi kontribui ba dezenvolvimentu integrál álunu nian.

Papél importante ida ne’e reflete iha programa ekstra kurikular sira hanesan konseitu, respeitu no sírkulu feto no mane sira objetivu atu redus violénsia bazeia ba jéneru no aumenta labarik mane no feto sira atu responsável atu foti desizaun iha sira nia moris.

Ministériu mós konkorda ona ho parseiru Ministériu bálun no organizasoes sosiedade sivil atu transforma eskola hotu iha país ne’e ba espasu seguru no kuidadu.

Apezar husi ita nia esforsu sira ho konkista koletivu sira, sei iha dezafius barak, labarik barak sei sente la seguru iha eskola manorin barak seidauk aprende kona-bá abilidade, atu prátika dixiplina pozitivu no inan aman barak sei hanoin katak, kastigu korporál mak abordazen di’ak liu no iha di’ak ba labarik sira, tanba ne’e ita presiza reutiliza asuntu sira ne’e iha ita nia nasaun no esforsu intensivu sira.

Se ita hakarak hakotu violénsia hasoru feto sira ita tenki hakotu violénsia hasoru labarik sira mós, forma violénsia rua ne’e ha ligasaun no iha efeitu intejerasionál,  evidénsia globál ba nasionál hatudu katak labarik sira ne’ebé eziste ona violénsia iha uma laran ka iha eskola fatin iha probabilidade aas liu envolve  iha relasaun korreta wainhira sira boot, labarik mane sira iha probabilidade liu atu sai autor no  feto sira sai vítima ka sobrevivememntu sira, tanba ne’e wainhhira ita elemina violénsia hasoru labarik sira ita sei hálo kontribuisaun foun atu hapara  violénsia kontra feto sira.

Labarik no adolesente sira presiza atu sai prioridade iha servisu koletivu nian.

Ohin loron MEJD ho ksolok boot simu ekipamentu sira hanesan Projetór 52, UPS 52 no Flash write 52, apoiu ekipamentu sira e’e ajudamentu atu kompartilla rekursu essensiál sira wainhira estudante no mós manorin sira hálo konsesilizasaun estimula diskusaun sira ne’e no ultimamente bele hapara ou bele reduz violénsia iha eskola sira no uma laran sira no bai ha komunidade sira, projetór sra ne’e sei uza ba interveinsaun sira no apoiu atividade aprendizajen sira seluk ba estudante no manorin sira.

MEJD husi diresaun nasionál lojístika sei garante katak materiál sira ne’e sei fahe ba eskola selesionadu sira no manorin sira simu instrusaun adekuadu oinsa atu uza materiál sira ne’e.

Liu husi inisiativa ba spotlight atu hakotu violénsia ba labarik feto, atu labarik feto no mane sir bele goza sira nia direitu ba moris livre husi violénsia iha kontestu inkluzivu ho sosiedade jéneru efektativu. (Média. Gab.Min.Margarida Pinto Ferreira)


Imprimir   Email