Previous Next

KOMUNIKADU IMPRENSA

Sorumutuk Konsellu Ministrus nian iha loron 9 fulan-setembru tinan 2020
 
Konsellu Ministrus hala'o sorumutuk iha Palásiu Governu, iha Dili, no aprova ona projetu kona-ba Rezolusaun Governu nian, ne'ebé aprezenta husi Ministru Prezidénsia Konsellu Ministrus, Fidelis Manuel Leite Magalhães, ne'ebé aprova Programa Reforma Administrasaun Públika ba períodu tinan 2019 to'o tinan 2023 no estabelese respetivu mekanizmu sira akompañamentu nian. Reforma Administrasaun Públika ne'e ho objetivu atu transforma administrasaun públika, ne'ebé haree liubá estrutura sira podér sentrál nian. Reforma ida ne'e hakarak haklean prosesu sira prestasaun servisu nian, fortalese responsabilidade no insentivu ba dezempeñu, hadi'a jestaun no dezenyolvimentu rekursus umanus, revee funsaun no estrutura sira administrasaun públika nian no hadi'a servisu administrativu sira ne'ebé presta ba sidadaun sira no ba empreza sira. Atu halo monitorizasaun ba implementasaun programa reforma ida ne'e ne'ebé kria komisaun interministeriál akompañamentu nian ida ne'ebé prezide husi Ministru Prezidénsia Konsellu Ministrus no sei integra Ministru no entidade relevante sira iha matéria ne'e.
Konsellu Ministrus aprova ona projetu kona-ba Dekretu Lei, ne'ebé aprezenta husi Ministru Administrasaun Estatál, Miguel Pereira de Carvalho, kona-ba alterasaun dahuluk ba Dekretu-Lei n.11/2019, loron 14 fulan-juñu, kona-ba Orgánika Ministériu Administrasaun Estatál nian. Projetu Dekretu-Lei ne'e kria Diresaun-Jerál ida ba Dezenvolvimentu Rurál, ho objetivu atu reforsa ba área sira dezenvolvimentu rurál no lokál nian, halo reforsu ba kompeténsia sira atuál diresaun nasionál ba modernizasaun administrasaun lokál no ne'ebé mós kria ona Diresaun Nasionál ida ne'ebé responsavel kona-ba área informátika no teknolojia informasaun Ministériu nian no Diresaun Nasionál ne'ebé responsavel ba materia protokolu, komunikasaun institusionál, relasaun públikas no kooperasaun esterna Ministériu nian.
Ministru Ensinu Superiór, Siénsia no Kultura, Longuinhos dos Santos, aprezenta projetu Rezolusaun Governu nian, ne'ebé aprova husi Konsellu Ministru, kona-ba nomeasaun Rui Daniel de Carvalho hanesan Prezidente Konsellu Jerál Institutu Politékniku Betanu nian (IPB), ba mandatu tinan tolu no ba nomeasaun Edmundo Viegas hanesan suplementu Konsellu Jerál PIB utsjong eno svoigs on ilid sri umevoD uiaele9 sli utumutoa o'slerd eunteiniM ulleeno nian.
Hetan ona aprovasaun projetu Dekretu-Lei, kona-ba alterasaun dahuluk ba Dekretu-Lei n.7/2019. loron 15 fulan-abríl ne'ebé aprova Estrutura Orgánika Ministériu Defeza nian. Tuir alterasaun sira ne'ebé hala'o ba orgánika Governu Konstitusionál VIII nian no sentidu atu promove atualizasaun, rasionalidade, efisiénsia no efikasia estrutura Ministériu ida ne'e, Projetu Dekretu-Lei ne'e hala'o eliminasaun ba Gabinete Kooperasaun Tékniku-Militár no ba Gabinete Arkivu Jerál Defeza nian, no ba kriasaun, iha ámbitu Diresaun-Jerál Administrasaun, Diresaun Nasionál ba Planeamentu no Diresaun Nasionál ba Informasaun, Teknolojia no Komunikasaun nian. Ho alterasaun ida ne'e ba kargu ba Xefe Gabinete Jurídiku no Forsa 2020 ne'ebé ekiparadu iha termu salariál ba kargu Diretór-Jerál, Nune'e mós altera ona kompozisaun ba Konsellu Superiór Defeza Militár nian, ne'ebé hatudu iha dispostu ba alterasaun dahuluk ba Lei Defeza Nasionál nian.
Konsellu Ministrus aprova ona projetu kona-ba Rezolusaun Governu nian, ne'ebé aprezenta husi Ministru Obras Públikas, Salvador Soares dos Reis, kona-ba ezonerasaun José Luis de Carvalho no nomeasaun Ermenegilda da Costa Laurentina ba kargu Prezidente Konsellu Administrasaun iha Institutu Jestaun ba Ekipamentu Timor Leste nian.
Ikusliu, Konsellu Ministru aprova projetu kona-ba Rezolusaun Governu nian, ne'ebé aprezenta husi Vise-Primeira Ministra no Ministra Solidaridade Sosiál no Inkluzaun, Armanda Berta dos Santos, ne'ebé nomeia Atanásio de Jesus ba kargu Sekretáriu Ezekutivu ba Komisaun Nasionál no Kombate ba HIV/SIDA Timor Leste nian no hala'o revogasaun ba Rezolusaun Governu nian nu 2/2014, Joron 22 fulan-janeiru.
Remata

Imprimir   Email