Hasoru Pandemia Global MEJD ho UNDP Asina Akordu atu Digitaliza Edukasaun Timor-Leste

Dili, 10 Agostu 2021, Sapiénsia-Ministériu Edukasaun Juventude no Desportu (MEJD) ho United Nation Development Program (UNDP), asina akordu entendimentu entre MEJD ho UNDP atu hadia edukasaun ICT ba eskola sekundaria no tekniku professional sira iha Timor-Leste.

Seremónia asina akordu entendimentu ne’e hala’o iha salaun VIP MEJD Vila Verde Dili. Objetivu asina akordu ne’e kona ba fahe kustu hodi apoia realizasaun meta sira ne’ebe estabelese ona iha planu estratéjiku nasional Edukasaun nian  ba tinan 2011-2030 mai.

Iha parseria ida ne’e, MEJD no UNDP sei servisu hamutuk atu dezenvolve projetu tinan lima nian hahu husi tinan 2021-2025. Abilidadade no koñesimentu ICT ba Juventude  iha Timor-Leste  atu reforsa kualidade edukasaun ICT iha eskola sekuandaria  no tekniku vokasional sir aba estudante sira atu aselera aprendizajem no empregu. Parseria foun no projetu ne’e dezenvolve  ona bazeia ba susesu no lisaun sira ne’ebe aprende  husi PNUD nia projetu edukasaun ICT foin lalais ne’e iha Oecusse.

Iha projetu foun ne’e nia okos, MEJD-UNDP sei dezenvolve  planu estratejiku abrajente  id aba Sistema edukasaun ICT iha nivel edukasaun ensinu sekundariu no tekniku professional iha Timor-Leste inklui avaliasaun baze ida.

Projetu ne’e sei fo ekipamentu no material ba eskola sira ho infraestrutura liu husi internet fizika no digital ne’ebe presiza, no sei fo formasaun ida kona ba akompañamentu ba profesor no alunu sira (50% feto). (media. Gab Min. Bosco-Ester)


Imprimir   Email