2022, MEJD-INCT Propoin Adisional Millaun $.13

Dili, 13 Setembru 2021 (Sapientia)-Orsamentu tetu Fiskal 2022, ne’ebe Ministériu Finansas propoin ba Ministériu Edukasaun Juventude no Desporto (MEJD) ho Institu Nasional  Siénsia no Teknolojia (INCT) konsidera la sufisiente. Ne’eduni MEJD ho INCT propoin tan adisional ho montante millaun $.13.

Ministru Edukasaun Juventude no Desportu (MEJD), Armindo Maia hato’o ba jornalista sira iha edifisiu Ministériu Finansas Aitarak laran katak, MEJD iha ona programa prioridade lubuk ida  maka hala’o iha tinan 2022, maibe, orsamentu tetu fiscal ne’ebe MF propoin ho montante millaun $80-resin ne’e konsidera la sufisiente.

“ami buka halo ezersísiu atu bele akomoda orsamentu tetu fiscal ne’e maibe ninia prosesamentu ita tenke husu tan adisional ruma serka millaun $13. Tamba ita iha programa prioridade lubuk ida ,” Ministru Armindu Maia hateten.

Presidente konsellu Ezekutivu Institutu Nasional Siénsia  no teknolojia (INCT), José Cornelio Guterres, afirmaINCT hetan orsamentu emvelope fiscal hosi Ministériu Finansas porvolta rihun $417,000, maibe INCT mós aprezenta tan orsamentu adisional porvolta $460.000.

Orsamentu jeral estadu  2021 nian, tuir Prezidente Jose Cornelio katak, sira ezekuta ona porvolta 63% espera katak molok tinan ne’e remata bele ezekuta entre 80-90%.

 

Media.Gab.Min MEJD : João Bosco Xavier Carvalho


Imprimir   Email