Bobonaro, Cailaco, kinta-feira, 11 abríl 2024
Sua Exelénsia Ministra Edukasaun Dra. Dulce de Jesus Soares husu ba manorin sira atu bele utiliza fatin halimar ba Ensinu Pré-Eskolár ho di’ak, tanba maneira aprendizajen labarik sira-nian mak aleinde aprende iha sala laran, tenki iha mós fatin halimar ba sira. Intervensaun ne’e hato’o ba manorin sira hafoin remata tiha observasaun ba konstrusaun edifísiu eskola foun EBF Maumela.
Iha intervensaun ne’e S.E. Ministra Edukasaun Dra. Dulce de Jesus Soares hateten, iha ne’ebé mak iha Pré-eskolár, iha mós fatin halimar ba sira, tanba maneira aprendizajen iha sala laran iha mós fatin ba sira hodi halimar, tanba labarik sira aprende liuhusi halimar, halimar no aprende.
“Iha ne’e, iha fatin halimar ida ka ita hanaran “Playground”, maibe ha’u repara katak fatin ne’e la uza, maibé profesór sira dehan katak uza, ita hakarak dehan katak kuandu iha ne’ebé mak iha Pré-Eskolár iha mós fatin halimar ba labarik nomós estudante 1º anu, sira mós bele tama ba halimar hamutuk, dehan S.E. Ministra Edukasaun.
Governanate ne’e akresenta, ba estudante sira ne’ebé bo’ot ona karik labele, tanba bele estraga fatin sira ne’e. Enkuantu númeru estudante Pré-Eskolár liu na’in 40 no espera katak sira bele aprende ho di’ak hamutuk ho sira-nia profesór/a sira.
#jornalistaluis
#MédiaME
