Tempu Badak, ME Aloka Adidu Ba Thailandia

DILI - Membru Parlamentu Nasional (PN) kestiona estudante bolsseiru ne’ebe kontinua estuda iha Thailandia. Estudante sira iha neba, iha problema konaba Viza ne’ebe mate. Tamba Viza mate, Governu Thailandia atu haruka sira fila fali ba Timor Leste.

Directur Geral Ensinu Superior Abrão dos Santos hatete katak, “Governu iha nia responsabilidade tomak ba nia sidadaun sira hotu, kona ba bolseiru sira iha Thailandia, ita iha ona Embaixada iha neba, mesmu ita nia prosesu ba birokrasia finansas ne’e naruk maibe ita hein katak reprezentante Governu Timor-Leste iha Thailandia iha, nebe agora ami halo kontaktu ho sekrataria iha Thailandia, no sira hahu rezolve ona problema ne’e,” katak nia.

Nia hatutan tan kata, kona ba adidu ba Thailandia sira iha ona despaisu, nebe iha fulan ida ne’e nia laran sei haruka ba, maibe nia data fiksu ne’e seidauk klaru, katak bainhira mak nia ba, tanba molok atu ba sei halo preparasaun atu nune’e nia bele responsavel estudante sira iha neba. Adidu ne’ebe atu aloka ba kompetensia husi Governu liu husi Ministeriu Edukasaun (ME) liu-liu ba Sua Xelensia Ministru Edukasaun, Vice Ministru ensinu Superior no kompetente atu halo rekrutamentu no nomeasaun ba ema nebe mak iha kredivel duni atu responsabilidade ba estudante sira iha Thailandia.Ba STL iha Edifisiu Edukasaun ,Tersa (08/10/13)

iha fatin seluk Deputadu Bankada Fretelin komisaun F Eladio Faculto hatete katak,hetan iha informasaun balun kona ba bolsseiru ne’ebe oras ne’e hetan problema kona ba Vissa parese Governu Thailandia atu haruka Bolsseiru sira fila mai Timor ne’e sei iha Problema bo’ot.

“ Hau husu ohin hato’o iha Plenaria ba Ministeriu ne’ebe mak kompatente presiza tenki hola medida mediate para bele fo solusaun ba estudante sira ne’e tamba estudante sira iha Thailandia ho numeru ne’ebe makas,”hatutan Eladio. Ba STL iha PN,Segunda (07/10/13).

Deputadu ne’e hatete tan katak, “ ita la hatene ita nia Embasador ho adidiu sira iha ne’ebe ne’e halo servico saida deit,no familia sira komesa husu informasaun mai hau hela deit.no presiza PN tenki halo medida ba ida ne’e atu bele hatene kona ba kondisoens estudante sira ne’e,” hatete Eladio.

Entertantu Presidente komisaun F Virgilio Hornai afrima katak, Bolsseiru halo ligasaun ho adidu edukasaun No vissa ne’e rasik kaundu nia tempu atu mate sira rasik tenki fo ona informasaun ba adidu ,atu nune adidiu ne’e rasik bele responde ba problema visa mate, ne’ebe molok atu mate bolsseiru sira rasik tenki fo ona informasaun ba adidiu atu nune bele organiza.

“ Tamba Adidu hanesan atu fasilita bolsseiru sira, no estudante sira labele hein katak,Vissa atu mate mak informa sira rasik tenki informa sedu ba adidiu atu nune adidiu bele atende ho lalais, no ikus ita dehan husi Ministeriu mak la halao sira nia servico,” tenik Virgilio. Jesuina Da Costa

Fontes : Suara Timor Lorosae