Koordenador Eskola EBF Malurukumo husu ME loke Eskola Infantil

Uatulari, 16 Fevereiru 2013. Koordenador Eskola Ensinu Báziku, Filial (EBF) Malurukumo, Sub distritu Uatulari Distritu Viqieqie, Gregório Amaral, husu Ministeriu Edukasaun, atu loke tan Eskola Infantil iha Suku Makadiki, Sub Distritu Uatulari.
Proposta loke Eskola Infantil ne’e Koordenador hato’o iha diálogu ho Vise Ministra Asuntu Pre-Eskolar no ensinu Báziku Dulce de Jesus Soares, iha Eskola Ensinu Báziku filial Malurukumo,Makadiki Sub Distritu Uatulari Distritu Viqueque.
Haktuir koordenador Eskola EBF katak, razaun hakarak atu loke tan Eskola Infantil iha Suku Makadiki tanba númeru populasaun labarik produktivu liu kompara Sub Distritu sira seluk iha Viqueque. Iha Suku Makadiki, tinan-tinan númeru labarik idade tinan lima ba kraik kuaze na’in 50-75 ba leten. Agora dadaun, labaraik barak liu hakarak buka apriende maibe lahia ema ruma ou organizasaun ruma atu tau matan ba sira, hanesan loke eskola Infantil ida halibur sira no hanorin sira atu nune’e wainhira labarik hirak ne’e molok tama iha Eskola Primaria, iha ona vizaun koñesementu matéria báziku no atetude brani hasoru prosesu aprendisajen iha sala laran.