ME Sei Halakon Sistema Rejional

Dili, 07 Janeiru 2013. Ministeriu Edukasaun tuir planu tinan 2013, sei halakon Sistema rejional ne’ebé IV Governu úza ba fali Diretor Distritu sira nia liman. Ministro Edukasaun Bendito Freitas esplika lia hirak ne’e, hafoin responde perguntas husi Jornalista TVTL iha Ministeriu Edukasaun Vila Verde Dili. Oinsa Sistema rejional ne’ebe agora muda ona? Ministro hatan katak, kona ba polítika intermus estrutura no organograma, Ministériu sei koalia no aprezenta ba konselu Ministro. No wainhira hetan ona aprovasaun maka Ministériu sei haré. Maibé Ministériu sei haré estrutra ida ne’bé efikasia no efisiente. Labele haré katak estrutura ne’e boot liu no responsabilidade la klaru.

Tan ba ne’e maka presiza estrutura ne’ebé real, operasional, efisiente atu responde duni ba ezijensia públiku nian.
Dala ruma Diretor rejional ho Diretor Distrital ita hare katak asuntu balun tenke halo lolós, entaun responsabilidade ne’e la dun diak no ladun kuerente. Ita estuda para sira ne’ebé iha potensia bele mai ajuda no fó tulun Ministériu no mós fatin seluk ita hare katak estrutura ne’e tenke efetivu. Ita diminui maibé estrutura ne’e servisu diak ho nia ligasaun hirarkia estrutural organograma bele ho responsabilidade ne’ebe diak liu, horizontalmente no vertikal atu bele fo atendimentu ne’ebé diak liu.