PRINCESA MAHA CHAKRI SIRINDHORN HUSI REINU TAILÁNDIA VIZITA TIMOR-LESTE


Ministra Edukasaun, Juventude no Desportu, Dulce de Jesus Soares, akompaña husi Exelénsia Prezidente RDTL da-haat (IV) no Laureadu Nobel da Paz Dr. José Ramos Horta, Vise-Ministra ba Kuidadu
Saúde Primáriu, Élia António de Araújo dos Reis Amaral, Diretór Jerál MNEC, Diretór Polítika ba Parseria MEJD, Diretór Asaun Sosiál Eskolár MEJD, Belchior Guerra, Simu vizita Princesa Maha Chakri Sirindhorn husi Reinu Tailándia ho jantár Boas Vindas iha Hotél Timor, Dili, 10 Juñu 2019.

Iha nia diskursu Ministra Dulce hato’o nia agradesimentu ba apoiu ne’e durante ne’e Reinu Tailándia Oferese liu-liu apoiu direita husi Princesa Maha Chakri Sirindhorn rasik. Ministra hatutan tan katak kooperasaun entre Governu Timor-Leste liu husi area edukasaun ho Reinu Tailándia di’ak tebetebes no presiza mellora liu tan kooperasaun ne’e iha futuru. Ministra mós agradese ba vizita espesiál husi Princesa Maha Chakri Sirindhorn ne’ebé ba dala rua ona.

Durante nia vizita iha Timor Leste Princesa Maha Chakri Sirindhorn sei vizita ba eskola EBF fatuquero, Postu Administrativu Gleno Munisípiu Ermera, Eskola EBF Akanunu Hera no Vizita Laboratóriu iha Ospitál Nasionál Guido Valadares.