MEJD Komprometidu Ba Projetu CAFE Iha Timor-Leste

Governu Timor-Leste husu ona ba Governu Portugal liuhusi nia embaixada iha Dili atu estende kontratu ne’e to’o 2020 no molok atu kontinua akordu ne’e sei halo avaliasaun esternál, no Governu rua sei halo esforsu atu projetu ne’e la’o ba oin ho di’ak liu” esplika Ministra Educação, Juventude e Desporto, Dulce de Jesus Soares, wainhira hasoru malu ho Prezidente Repúblika Francisco Guterres Lú Olo, iha Palacio Presidente Nicolao Lobato, Aitarak-Laran, Dili, (5/6 2019), hodi klarifika ba Sua Excelencia Presidente da República kona-ba Projetu Centros de Aprendizagem e Formação Escolar (CAFE), ne’ebe asina entre República Democrática de Timor-Leste ho República Portuguesa iha 30 dezembru 2014.

Ministra Dulce mos garante katak projetu CAFE sei kontinua la’o ba oin tanba fó kualidade di’ak liu tan iha area edukasaun. “Laiha sinál katak projetu ne’e la la’o ba oin.” Tenik Dulce ba jornalista sira hafoin sorumutu.