VICE-MINISTRO DA EDUCAÇÃO, JUVENTUDE E DESPORTO VIZITA MAPTAPHUT TECHNICAL COLLEGE IHA RAYONG, TAILÁNDIA

Rayong, Tailándia, 06 Juñu 2019- Vice-ministro da Educação, Juventude e Desporto Eng. João Zacarias Freitas Soares halao vizita ba eskola Maptaphut Technical College iha Rayong, Tailándia. Hanesan parte ida husi ajenda Vice-ministro ba partisipa Scout Jamboree kontinuasaun husi selebrasaun ba koroasaun Liurai Rama X iha 4 Maiu 2019 ne’ ebé troka nia aman Liurai Bhumibol Adulyadej (Rama IX) mate

iha Outubru 2016 hafoin ukun tinan 70. Timor Leste hetan konvite espesial husi Ministério da Educação Tailándia, bainhira Vice-ministro da Educação Tailándia Jeneral Surachet Chaiwong halao vizita ofisial ba Timor Leste husi loron 25 to’ o 27 Abril 2019.

Maptaphut Technical College (MTC) iha 2008 lansa projeitu ho naran Vocational Chemical Engineering Practice College (V-ChEPC) husi Office of the Vocational Education Commission (OVEC), Ministério Educação Tailandia fo suporta(bolsu estudu no material no ekipamentu ba estudante no eskola) husi Kompaña petroleum/petrokímika neen no Institute Petroleum Tailándia oferese programa tinan rua espealiza iha teknolojia petrokímika.

Iha introdusaun Asesor OVEC(Office of Vocational Education Comission) Dr. Siripan Choomnoom katak estudante Timor oan ida eskola ona iha eskola ne’ e hetan notas diak no estudante Tailandês aprende fali lian-inglés husi estudante Timor oan ne’ e.

Iha intervensaun Vice-ministro João esplika vizita ne’e hanesan sai referensia no oinsa bele hadia liu tan metodu hanorin no aprende no mos programa VIII Governu Konstitusionál hodi tau atensaun iha area ICT no area tékniku espesializasaun sira hanesan petrokímika no seluk tan iha ensinu tékniku vokasionál.

Parte rua konkorda se bele kria Join Committee ida identifika nesesidade no oportunidade hodi inklui iha Nota Intendementu (MoU) ne’ ebé sei iha faze diskusaun no finalizasaun entre Ministério da Educação, Juventude e Desporto (MEJD) no Ministério da Educação Tailándia.

Vizita Vice-ministro ne’e simu direitamente husi Diretor Interinu Sr. Yutthapan Kotthapan no Asesor Senior Dr. Siripan Choomnoom husi OVEC, estudante no manorin sira.

HOTU

#MediaGabineteVMEJD