16/05/2019, Ministra Edukasaun, Juventude no Desportu (MEJD), Dulce de Jesus Soares, Diretór Eskola Saun Pedro, Padre Adérito M.E.V. da Costa, SDB akompaña husi Profesór no alunu Eskola Saun Pedro, inklui Xefe Suco Comoro, Dirijenti husi MEJD, halo lansamentu ba Biblioteka Online husi Eskola Saun Pedro, Comoro, Dili.

Iha entrevista ho jornalista sira Diretór Eskola Saun Pedro, Padre Aderito informa katak, “inisiativa harii Biblioteka Online ne’e bazeia ba ha’u-nia esperiénsia iha estranjeiru, liuliu nasaun hirak-ne’ebé mak ha’u hela bá, ha’u sempre hela iha fatin eskola no sempre buka-hatene parte hirak-ne’ebé mak iha Timor-Leste seidauk eziste, bainhira ha’u halo estudu kona ba múzika iha estranjeiru, sempre konsulta no buka-hatene esperiénsia foun hirak-ne’ebé nasaun hirak-ne’e iha. Nune’e ha’u tetu tanbasá ema hirak-ne’e bele halo nusa ita labele halo? Nusa ita labele moris mesak”.

Padre Aderito informa liután katak estudante sira barak iha kriatividade nune’e tenke kria ambiente ida ba estudante sira nune’e sira bele hatudu sira-nia kriatividade. Padre Aderito hato’o nia mensajen katak, “atu kria inovasaun no buat di’ak ba eskola no ba estudante sira labele hein de’it Governu, maibé Eskola sira-nia forsa mak alunu sira-nia inan-aman, nune’e inan-aman sei kontribui ba buat di’ak ne’ebé mak eskola atu halo ba sira-nia oan”. Nune’e Padre Aderito agradese ba inan-aman sira-ne’ebé mak kontribui ona ba estabelesimentu Website Biblioteka online ho naran https://saunpedro.education/, website ne’e mós loke ba públiku hotu atubele asesu liuliu estudante iha Timór laran ne’ebé utiliza internet no mós telefone android hodi bele buka informasaun kona-ba livru, siénsia no seluk tan, website ne’e kria husi antigu alunu Salezianu ho naran Elisio Freitas.

Iha fatin hanesan Ministra Edukasaun, Juventude no Desportu, Dulce de Jesus Soares, hato’o parabéns ba profesór sira liuliu Diretór Eskola Padre Aderito, ne’ebé halo ona inovativu iha ensinu aprendizajen hodi uza teknolojia, tanba mundu agora avansadu hodi utiliza kurríkulu sékulu 21 ne’ebé barak liu fó oportunidade ba alunu sira atu mais ativu hodi buka-hatene atu aprende durante sira-nia moris tomak. Ministra aumenta tan katak hodi lansamentu website biblioteka online ne’e bele ajuda alunu sira bele buka atu aprende liután no sai fatin ba alunu sira atu halo peskiza ba siénsia liuliu husi lee livru hirak-ne’ebé mak tau iha biblioteka online ne’e.

Ministra Dulce salienta liután katak nia parte agradese ba eskola Saun Pedro ba kriasaun biblioteka online ne’e hodi ajuda profesór no alunu sira iha Timór laran tomak bele asesu ba sítiu ne’e. Nia mós haksolok hodi asiste expozisaun siénsia ne’ebé estudante sira hala’o, no haree katak rezultadu barak hosi sira-nia peskiza relevante ba ita-nia moris no importante hanesan informasaun ba ita atu fó kuidadu ba saúde no meiu ambiente. Ministra louva estudante sira ba sira-nia kontribuisaun ba nasaun nia dezenvolvimentu no enkoraja sira atu kontinua ho sira-nia aprendizajen no kompromisu ba ita-nia rai doben. Ministra mós husu ba eskola sira iha Timór laran tomak tenke banati tuir saida mak eskola Saun Pedro halo, liuliu oinsá alunu no manorin sira kriatívu no inovadór.

Português:
ESCOLA SÃO PEDRO LANÇA WEBSITE De BIBLIOTECA ON-LINE

16/05/2019, A Ministra da Educação, Juventude e Desporto (MEJD), Dulce de Jesus Soares, o Diretor da Escola São Pedro, Padre Adérito M.E.V. da Costa, SDB, acompanhados pelos professores e alunos da Escola São Pedro, do Chefe de Suco de Comoro e de Dirigentes do MEJD, fizeram o lançamento da Biblioteca On-line da Escola São Pedro, em Comoro, Díli.

Em entrevista aos jornalistas, o Diretor da Escola São Pedro, Padre Adérito, informou que “a iniciativa de construir uma Biblioteca On-line teve por base a sua experiência no estrangeiro, principalmente nos países onde viveu, pois vivia nos espaços escolares e sempre procurou saber aquilo que aquelas escolas tinhas e que ainda não existia em Timor-Leste. Quando fiz estudos, no estrangeiro, relacionados com a música, sempre consultei e procurei aprender com as novas experiências que existiam nessas nações. Por isso, sempre medi bem porque é que essas pessoas conseguiam alcançar essas coisas e nós não? Não podemos viver isolados do mundo”.

O Padre Adérito disse ainda que os muitos alunos são criativos, por isso temos de criar um ambiente onde os alunos possam mostrar a sua criatividade. O Padre Adérito disse, na sua mensagem, que “para criar inovação e boas oportunidades para a escola e os alunos, não podemos esperar apenas o Governo, mas a força das escolas são os seus alunos e os seus pais, por isso os pais contribuem para todas as coisas boas que as escolas proporcionam aos seus filhos”. Por isso o Padre Adérito agradeceu aos pais que contribuíram para o estabelecimento do Website Biblioteca on-line, no sítio https://saunpedro.education/. Este website também esta aberto ao público, para que todos, incluindo todos os alunos de Timor-Leste, tenham acesso através do uso da internet e também do telemóvel android para procurarem informações sobre livros, ciências e outros. O website foi criado por um antigo aluno Salesiano, Elisio Freitas.

Ao mesmo tempo, a Ministra da Educação, Juventude e Desporto, Dulce de Jesus Soares, deu os parabéns, principalmente ao Diretor da Escola, o Padre Adérito, que inovou no processo de ensino-aprendizagem, ao introduziu a tecnologia, pois o mundo encontra-se avançado e usa o currículo do século 21, que dá mais oportunidade aos alunos para serem mais ativos na procura de novas aprendizagens durante toda a sua vida. A Ministra acrescentou que este lançamento do website de biblioteca on-line ajudará os alunos a poderem procurar aprenderem mais e a dá espaço para os alunos fazerem pesquisas, principalmente sobre ciências, através da leitura dos vários livros disponibilizados na biblioteca on-line.

A Ministra Dulce salientou ainda que agradecia à Escola são Pedro pela criação da biblioteca on-line que ajudará os professores e os alunos timorenses e que terão acesso a este sítio. Também se mostrou contente por assistir à exposição de ciência que os alunos realizaram e verificou que muitos dos resultados das suas pesquisas são relevantes para a nossa vida e importantes como transmitirem informações sobre cuidados de saúde e do meio ambiente. A Ministra louvou o contributo dos alunos para o desenvolvimento do país e encorajou-os para continuarem as suas aprendizagens e o seu compromisso com a nossa querida terra. A ministra também pediu que todas as escolas de Timor-Leste sejam ativas e que sigam o exemplo da Escola de são Pedro, principalmente relativamente as aspeto dos professores e alunos criativos e inovadores.