MEJD Iha Ona Presidente no Vice-Presidente Foun Sira INFORDEPE Nian

Dili,10/05/2019, Ministra da Educação, Juventude e Desporto, Dulce de Jesus Soares, hamutuk ho Vice-Ministro da Educação, Juventude e Desporto, Eng. João Zacarias Freitas Soares no Prezidente

Komisaun Funsaun Publika, Dr. Faustino Cardozo, fó tomada de posse ba Dirijenti foun INFORDEPE, Vitor Brito nu’udar Prezidente no Vice Prezidente Ana Jesuina Fernandes de Jesus, Domingos Martins no Arlindo Pinto, ne’ebé hetan nomeasaun hodi hala’o knar durante tinan haat nia laran hodi dezenvolve formasaun ba profesór sira iha Timor-Leste.

Iha nia diskursu Prezidente Funsaun Publika hato’o parabéns ba MEJD ne’ebé konsege revitaliza estrutura Dirijenti instituisaun importante hanesan INFORDEPE, nune’e husu ba Dirijenti foun sira atu hala’o knar ho responsabilidade nune’e bele dezenvolve di’ak liu tan area formasaun ba profesór sira. Prezidente mós hato’o parabéns ba Dirijenti INFORDEPE anterior ne’ebé hatuur ona aliserse ne’ebé forte nune’e lideransa foun sira bele kontinua servisu hirak ne’e no dezenvolve di’ak liu tan instituisaun INFORDEPE.

Iha fatin hanesan Ministra da Educação, Juventude e Desporto, Dulce de Jesus Soares hato’o mesajen ba Dirijenti foun INFORDEPE nian katak Dirijenti foun hirak ne’e bele hametin di’ak liu tan servisu INFORDEPE nian liu-liu responde ba nesesidade ba formasaun profesór sira nian, tanba profesór sira mak bele garante kualidade iha ensinu nune’e Dirijenti foun sira tenke dezenvolve di’ak liu tan area formasaun ba profesór sira atu sira bele iha kreatividade hodi alunu sira bele komprende di’ak konteúdu hirak ne’ebé mak profesór sira hato’o.
Direjente