VICE-MINISTRO DA EDUCAÇÃO, JUVENTUDE E DESPORTO HALAO ABERTURA BA SEMINÁRIU PROGRAMA UNESCO’S ASSOCIATE SCHOOL NETWORK (ASPNET)

Díli- Vice-ministro da Educação, Juventude e Desporto Ingr. João Zacarias Freitas Soares iha loron 22 Abril 2019 halao abertura semináriu kona-ba UNESCO’s Associate School Network (ASPNet) iha Salaun INFORDEPE.

Programa ASPnet hanesan programa ida ne’ebe estabelese husi Komisaun Nasional Timor-Leste ba UNESCO (KNTLU) hanesan dalan ida atu habiit aprendís sira atu sai sidadania global ne’ebé hatene oinsa kontribui ba dezenvolvimentu sustentavel. Hanesan mos programa redi eskola global iha nasaun hotu-hotu ne’ebé implementa atividade importante husi Objetivu Dezenvolvimentu Sustentável 4.7 (SDGs 4.7) mak hanesan Global Citizenship Education (GCED) no Education for Sustainable Development (ESD) ho nune’e programa ne’e bele hetan koñesementu no abilidade presiza hodi promove dezenvolvimentu sustentabilidade ne’ebé inklui edukasaun sustentável, pás, no direitu umanu, konesementu global, dialogu intercultural. Programa ne’e mos habiit koñesementu hodi responde ba dezafiu komun ne’ebé afeita ba ema hanesan konflitu, terrorista, mudansa klimátika, degradasaun meiu ambiente no dezastre naturais.

“Sidadaun Globál mak ema ne’ebé iha ninia konsiensia nomós koñesementu kona-ba assuntu mundu global, ema ne’ebé kaer metin prinsipiu no valor universal sira. Hanesan sidadaun global, Ita fiar no prátika prinsipiu sira hanesan respeita malu, kuidadu pas np harmonia, nunee bele hametin sustentabilidade mundu nian.”- dehan Vice-ministro iha ninia diskursu abertura.

“Global Citizenship Education (GCED) ka Edukasaun Sidadania Global ne’e importante tebes atu promove sidadania global hanesan prioridade ida. Ita hotu hatene katak liu husi Edukasaun mak It abele forma no viabiliza komunidade Mundu Globál ida ne’ebé trankuilu, tolerante, inkluzivu no sustentável. Hahu husi Ita nia komunidade, Ita nia eskola sira. Tamba ne’e, Global Citizenship Education mos sai elementu importante ida husi ODS. Involvimentu Edukasaun hodi promove Sidadania Globál ne’e sei la ses husi papel importante husi ajente edukasaun hanesan estudante, profesór no eskola sira. Ajente sira ne’e mak importante iha promosaun ba transformasaun komunidade nian. Nune’e, Ita presiza kria kondisaun sira ne’ebé favorese partisipasaun joven no estudante sira atu sai sidadaun global ne’ebé diak no responsivel.”nia hatutan.

Molok remata membru governu ne’e mos husu partisipante sira uza didiak oportunidade sira ne’e atu kria laboratóriu ba idea sira iha sira nia eskola sira liu husi projetu pedagójiku inovativu sira. Semináriu loron tolu ne’e partisipante sira sei hetan ideas foun balun liu husi aprezentasaun, diskusaun no mos halao vizita ba fatin inspirasionál balun ne’ebe sei inspira atu hamosu idea inovativu ba projetu eskolar sira.

Iha introdusaun, Sra. Cedelizia dos Santos, Sekretáriu Jerál Komisaun Nasionál Timor Leste ba UNESCO (KNTL) hato’o katak objetivu husi semináriu ne’e ho objetivu atu introdús, konseitu no enkuadramentu husi GCED no ESD ba profesór/a sira iha Ensinu Báziku, Sekundáriu ne’ebé hanorin iha area siensia social no siensia natural no atu haklean kompriensaun professor/a sira kona-ba tópiku neebe iha ligasaun ho konseitu GCED no ESD hanesan direitu umanu, diversidade kultural, justisa mudansa klimatika no sustentabilidade meiu ambiente.

Semináriu ne’e sei halao durante loron 3 nia laran ho partisipante sira kompostu husi profesór/a no diretór eskola sira husi eskola 10 ne’ebé lokaliza iha Munisipiu 4 maka hanesan Aileu, Dili, Ermera no Likisa.

HOTU

#MediaGVMEJD