MEJD NO UNICEF REALIZA WORKSHOP AVALIA SISTEMA EMIS

Dili,10/04/2019, Ministério da Educação, Juventude e Desporto (MEJD) hamutuk ho parseria Internasionál UNICEF iha Timor-Leste realiza workshop loron rua kona-ba Avaliasaun ba Sistema EMIS (Education Management Information System), iha Salaun JL-Villa, Ai-mutin, Dili.

Iha entrevista ho média sira Vice-Ministru Edukasaun, Juventude no Desportu, Eng. João Zacarias Freitas Soares informa katak, objetivu husi Workshop ida-ne’e atu oinsá bele halo avaliasaun ba implementasaun sistema EMIS iha Ministériu. Vice-Ministru mós informa liután katak avaliasaun ne’e halo atu nune’e bele deteta problema iha sistema ne’e, problema ne’ebé mak Diresaun Planeamentu, liuhusi Departamentu EMIS hasoru maka atualizasaun dadus, Governante ne’e esklarese katak durante ne’e EMIS iha problema iha atualizasaun dadus tanba atualiza anualmente nune’e Vice-Ministru promete katak ba oin sistema EMIS sei atualiza kada períodu ka trimestrál.

Durante ne’e utilizasaun sistema EMIS ba liu iha sistema baze de dadus alunu no manorin sira-nian. Sistema EMIS mós sai baze ba Ministériu Edukasaun, Juventude no Desportu hodi elabora planu asaun anuál no planu orsamentu Ministériu nian. Nune’e importante atu Ministériu hadi’a atualizasaun dadus EMIS.
====================================================

Português:
MEJD E UNICEF REALIZAM UM WORKSHOP PARA AVALIAR O SISTEMA EMIS

Díli, 10/04/2019, o Ministério da Educação, Juventude e Desporto (MEJD) juntamente com a UNICEF em Timor-Leste, um dos parceiros internacionais, realizaram um workshop de dois dias para proceder à Avaliação do Sistema EMIS (Education Management Information System), no Salão do JL-Villa, em Ai-mutin, Díli.

Em entrevista aos média, o Vice-ministro da Educação, Juventude e Desporto, Eng. João Zacarias Freitas Soares, informou que um dos objetivo do workshop era proceder à avaliação da implementação do Sistema EMIS no Ministério. O Vice-ministro também referiu que a esta avaliação visa detetar os problemas existentes com este sistema, problemas esses que a Direção Nacional de Política, Planeamento, Monitorização e Avaliação, através do Departamento EMIS, enfrenta, nomeadamente a atualização dos dados. O Governante esclareceu que o EMIS tem enfrentado problemas na atualização dos dados, pois atualmente a atualização é feita anualmente, por isso o Vice-ministro prometeu que de hoje em diante o Sistema EMIS será atualizado em cada período ou trimestre.

Durante a sua utilização, o Sistema EMIS tem sido muito mais do que um sistema de base de dados relativo a alunos e professores. O Sistema EMIS tem servido como base para o Ministério da Educação, Juventude e Desporto elaborar o seu plano de ação anual e o plano orçamental do Ministério. Pelo que é importante que o Ministério melhore o processo de atualização de dados no EMIS.