MEJD REALIZA FORMASAUN KONTINUA BA FORMADÓR EDUKASAUN INKLUZIVU

Dili,10/04/2019, Ministério da Educação,Juventude e Desporto(MEJD) liuhusi INFORDEPE no Diresaun Jerál Polítika, Planeamentu no Parseria, hamutuk ho parseria Internasionál Partnership for Human Development (PHD) realiza Formasaun Temátíku sobre Edukasaun Inkluzivu. Formasaun Kontínua ne’e ba Formadór Edukasaun Inkluzivu, husi Munisípiu Manufahi, Viqueque no Lospalos iha salaun INFORDEPE, Balide, Dili.

Objetivu husi formasaun ne’e atu Fasilitadór Nasionál sira sei fó formasaun ka Kapasitasaun ba forma-dór Edukasaun inkluzivu iha nivel munisipál atu sira bele hatene kle’an liután kona-ba prosesu implementasaun bainhira realiza formasaun iha nivel munisipál no oinsá fó atendementu ba estudante ho defisiénsia iha eskola sira, nune’e estudante hirak-ne’e bele iha asesu ba edukasaun ho kualidade.

Formasaun ne’e sei realiza durante loron neen nia laran. Iha formasaun ne’e Profesora sira husi CREI Taibessi mós fahe sira-nia esperiénsia kona-ba oinsá akomoda alunu ho nesesidade edukativu espesiál iha prosesu aprendizajen. Nune’e mós Madre sira husi kongregasaun ALMA mós fahe sira-nia esperiénsia kona-ba sistema referral no preparasaun labarik ho difisiénsia ba eskola públiku sira.
==================================================
Português:
MEJD REALIZA FORMAÇÃO CONTÍNUA DE FORMADORES DE EDUCAÇÃO INCLUSIVA

Díli, 10/04/2019, o Ministério da Educação, Juventude e Desporto (MEJD), através do INFORDEPE e da Direção Geral de Política, em conjunto com o parceiro internacional Partnership for Human Development (PHD) realizaram uma formação temática relativa à Educação Inclusiva. Esta formação contínua é dirigida aos formadores de Educação Inclusiva dos Municípios de Manufahi, Viqueque e LosPalos e decorre no salão do INFORDEPE, em Balide, Díli.

O objetivo da formação é proporcionar momentos para que os facilitar os nacionais dêem formação e capacitem os formadores de educação a nível municipal, para que possam aprofundar os seus conhecimentos sobre o processo de implementação, quando realizem formação a nível municipal, melhorando o atendimento, nas escolas, dos alunos com deficiências, de forma a que estes possam ter acesso a uma educação com qualidade.

A formação decorre durante seis dias. Durante a formação, as professoras do CREI Taibessi também partilharam as suas experiências sobre como inclui os alunos com necessidades educativas especiais no processo de aprendizagem. Assim, também as madres da Congregação ALMA partilharam as suas experiências sobre o sistema de referência e a preparação das crianças com deficiência para frequentarem as escolas públicas.