MINISTRA DULCE FÓ AGRADESIMENTU BOOT BA ORGANIZASAUN SPEND IT WELL

20.3.19. Ministra da Educação, Juventude e Desporto, Dulce de Jesus Soares, inaugura Pré-escolar Belola iha Postu Administrativu Balibó, Munisípiu Bobonaro. Eskola ne’e sei serbí populasaun ne’ebé hela dook hosi eskola sira seluk, inklui labarik sira ho idade pre-eskolár no klase 1 no 2. Eskola ne’e kompletu ho sala-de-aula 3, sala-de-profesór, fasilidade dapur, ahi, bee, hariis-fatin 5, no halimar-fatin, hotu ho kualidade aas tebes.

MEJD fó agradesimentu boot ba Spend it Well, organizasaun ne’ebé rekolla fundus no harii eskola refere, no ba Rotary Club Darwin, ne’ebé lori halimar-fatin mai. Spend it Well nia misaun atu apoia MEJD hodi aumenta kualidade edukasaun, liuliu liuhosi harii eskola sira. Spend it Well harii ona eskola 10 resin iha munisípiu Baucau, Ainaro, Dili, nst., no iha tinan oin mai iha planu atu harii eskola 2-3 tan, konforme susesu sira-nia kampaña buka-fundus nian.

Ministra Dulce mós apresia tebes apoiu hosi Balibo Trust, ne’ebé serbisu maka’as atu mellora kondisaun Balibó nian, no haksolok fó benvindu ba Sra. Shirley Shackleton, ativista ida-ne’ebé mak feto-faluk hosi Greg Shackleton, jornalista ida hosi ‘Balibo 5’ – grupu jornalista sira-ne’ebé hetan oho hosi forsa Indonézia iha Balibó iha Outubru 1975 tanba sira-nia reportajen kona-ba invazaun. Ministra konta istória ‘Balibó 5’ nian ba alunu sira, no enkoraja sira atu hatene didi’ak Timór nia istória rasik.

Serimónia inaugurasaun ne’e hahú ho hamulak hosi lia-na’in sira, no remata ho aprezentasaun drama no múzika hosi alunu pre-eskolár sira. Ministra Dulce hakfodak ho labarik sira-nia fiar-an no kapasidade atu aprezenta drama, no mós sira-nia abilidade lee. Profesora pre-eskolár esplika katak kúrikulu pre-eskolár no ninia planu sesaun sira ajuda barak atu alunu sira bele lee la-lais.

==================================================
Português :
A MINISTRA DULCE AGRADECEU À ORGANIZAÇÃO SPEND IT WELL

20.3.19. A Ministra da Educação, Juventude e Desporto, Dulce de Jesus Soares, inaugurou o Pré-escolar de Belola, em Balibo, município de Bobonaro. A escola irá servir a população que vide longe das outras escolas, incluindo as crianças em idade pré-escolar, 1º ano e 2º ano. A escola está completa com 3 salas de aula, uma sala dos professores, facilidades de cozinha, eletricidade, água, 5 casas de banho e um parque infantil, todo com uma elevada qualidade.

O MEJD apresentou o seu forte agradecimento à Spend it Well, uma organização que recolheu fundos para construir a referida escola, e ao Rotary Club Darwin que assegurou o transporte do parque infantil até ao local. A missão da Spend it Well é apoiar o MEJD a elevar a qualidade da educação através da construção de escolas. A Spend it Well já construiu mais de 10 escolas nos municípios de Baucau, Ainaro, Díli, entre outros, e no próximo ano têm planos para construir mais 2 ou 3 escolas, conforme o sucesso da sea campanha de recolha de fundos.

A Ministra Dulce também apreciou muito o apoio do Balibo Trust, que em tem desenvolvido um grande trabalho com o objetivo de melhorar as condições de Balibo e alegrou-se dando as boas-vindas à Sra. Shirley Shackleton, uma ativista, viúva de Greg Shackleton, um dos jornalistas do ‘Balibo 5’ – grupo de jornalistas que foram mortos pelas forças indonésias em Balibo, em outubro de 1975, pois estavam a realizar uma reportagem sobre a invasão.

A Ministra contou a história de “Balibo 5” aos alunos e encorajou-os a conhecerem bem a própria história de Timor.

A cerimónia de inauguração começou com o hamulak (oração aos antepassados) feito pelos lia-na’in e terminou com a apresentação de teatro e de música feita pelos alunos do pré-escolar. A Ministra Dulce admirou-se com o à vontade das crianças e com a sua aptidão para a representação dramática, bem como com as suas capacidades de leitura. A professora do pré-escolar explicou que o currículo do pré-escolar e os seus planos de sessão são uma forte ajuda para que os alunos possam aprender a ler rapidamente.