Alunus SKA Aileu

Lian alunus foun husi SKA Aileu


Tanba Ha’u Nia Inan Mate, Maka Ha’u Abandona Eskola!!
Franciso Xavier, alunus foun husi Sentru Komunitaria Aprendizajen Aileu: hau presiza tebes mai eskola ida ne’e tanba durante hau sai husi eskola, to’o ohin loron sente frazil mai hau tanba hau nia kolega sira be uluk ami eskola hamutuk ne’e, oras ne’e serbisu hotu ona, hau mesak maka laiha no agora hela iha uma de’it.

Maibe ohin loron governu liu husi Ministériu Edukasaun, fo fali oportunidade mai ami atu kontinua eskola no hau nudar sidadaun ida sente kontente.

Hau abandona eskola Ensinu Pre Sekundariu ( SMP kelas 1), iha tinan 2012. Hau hahu eskola iha tempu Indonesia maibe relasaun ho ita nia idependensia nasaun nian maka ami mos akompana ida ne’e labele kontinua eskola to’o akaba.

Hafoin ukun an, hau kontinua fali eskola maibe, tanba hau nia inan mate, mai hau hanesan malvontade atu eskola no mos hetan difikuldade ekonomia familiar hanesan atu ajuda haree hau nia eskola laiha.

Agora hau iha tinan 24 ona. To’o ohin loron hau laiha serbisu. Buat ne’ebe hau sente maka ne’e, ema barak goza sira nia moris ho nesesidade kompleitu, maibe hau la halo buat ida, hela de’it iha uma no laiha buat ida mai hau atu hatutan moris nee ba oin.
Uluk hau nia kolega sira be ami eskola hamutuk, orasne’e sira hetan serbisu hanesan balun iha ona Polisia, Forsa no balun funsionariu, hau haree ida ne’e triste tebtebes.

Ne’eduni, oras ne’e iha ona oportunidade hau atu kontinua eskola. Wainhira eskola ne’e remata, hau bele buka serbisu hodi hatutan moris.

(João Bosco X. Carvalho/Elaborador)

Hau Abandona Eskola, Tanba Hetan Pengaruh Husi Kolega Sira Ba Festa!!

Agapito Amaral, Sentru Komunitaria Aprendizajen Aileu : hau abadona eskola Ensinu Pre Sekundariu 30 ano iha (SMP kelas 3). Iha momentu ne’aba, hau tuir ona ezame primeru trimester, Segundo trimenstre, atu ba ezame final maka hau para eskola.

Iha tempo ne’eba, hau hanesan pengaruh ituan hanesan ba festa, no serimonia selukseluk tan. Maibe oras ne’e hau hakarak mai aprende fila fali iha SKA ne’e, atu kompleta fali hau nia estudu.

Agora hau la serbisu. Hau mai tama SKA ne’e hodi hau nia hakarak rasik. Ida n’e maka hau nia moris sai aat. Wainhira akaba husi ne’e, sente bele, entaun avansa ba Universidade. Maibe sente ba labele entaun ba buka serbisu deit ona.

Hau husu ba kolega feto no mane sira, sira ne’ebe maka uluk abandona eskola, eskola la hotu para iha klaran deit, oras ne’e Ministeriu Edukasaun loke fali ona oportunidade mai ita atu kontinua ita nia eskola no bele kontinua eskola ba oin.