Projetu CAPEFA remata, UNESCO entrega patrimoniu mai Ministériu Edukasaun

Back

Projetu CAPEFA ne’ebé durante finansia husi UNESCO no hala’o formasaun kapasitasaun ba Timor oan sira, hahu hakotu ona nia misaun ho Ministériu Edukasaun.
Iha seremonia hakotu misaun, UNESCO entrega tomak patrimoniu sira ne’ebe durante ne’e uza ba serbisu ba Ministériu Edukasaun espesífiku ba Diresaun Ensinu Rekorrente (DNER).
Entretantu, Diretor UNESCO Jakarta iha nia diskursu hateten katak, apoiu UNESCO ba Timor-Leste sei kontinua nafatin iha area seluk. Ba apoiu edukasaun naun formal maka hakotu ona, tanba orsamentu ba projetu refere hotu ona.
No orasne’e projetu refere entrega ona mai MInistériu Edukasaun liu husi Diresaun Nasional Ensinu Rekorrente atu kontinua hala’o formasaun ba Timor oan sira ne’ebe sei presiza kapasita nia an atu determina sira nia futuru rasik.
Iha fatin hanesan Diretor Jeral Ministériu Edukasaun, hato’o agradesimentu wa’in ba UNESCO nia apoiu tanba ajuda governu hodi kapasita timoroan sira ne’ebe menus kunesimentu iha area oi-oin nune’e timor oan sira bele dezenvolve nia an no bele determina sira futuru rasaik
Iha mós feira kreatividade grupo sira ne’ebé durante ne’e UNESCO suporta ba hanesan grupo husi Munisipiu Viqueque, Grupo husi Liquica, no grupo 1 husi Comoro Dili.