Hari'i Centro Comunitario Aprendizajen

Back

Diresaun Nasional Ensinu Rekorente (DNER) ni aservisu no responsavel dezenvolvimentu no inplementa programa Nasional Literasia no ekivalensia ba ensinu rekorente, diriji ba sidadaun sira ne’ebe la liu iha sistema ensinu formal.
DNER nia funsaun maka atu alimina analfabetismu, literasia no kontribui atu reintegrasaun iha sistema edukasaun ne’ebe sidadaun balun abandona durante iha sira nia eskola.
Promove sistema ensinu rekorente nian ida ba sira ne’ebe laiha posibilidade integra iha sistema edukasaun formal.
Ne’eduni Diresaun Nasional Ensinu Rekorente (DNER) hamutuk ho parseiru dezenvolvimentu Banku Mundial, harii Sentru Komunitaria Aprendizajen (SKA) nudar pilar ida atu hakore povu Timor-Leste tomak husi analfabetismu hanesan sasukat importante ida ba progresu dezenvolvimentu nasaun ida nian.
Ba Buletin Diresaun Nasional Ensinu Rekorrente edisaun dahuluk ida ne’e publika konaba atividade diresaun ne’e nian no atividade Sentru Komunitaria Aprendizajen. Iha edisaun dahuluk ne’e. BULETIN DNER foka liu ba harii Sentru Komunitaria Aprendizajen (SKA) no prosesu hakbiit kapasidade professor sira ne’ebe atu hanorin iha SKA sira ne’ebe estabelese ona.
Sentru Komunitaria Aprendizajen, harii ona iha Lautem, Baucau, Manatuto, Aileu, Dili, Ermera, Liquica no Oecusse. Atu hili formador ida ba ne’eba, tenke iha kunesementu no kapasidade adekuadu nune’e nia bele halo kapasita diak ba estudante no alunu sira ne’ebe iha.
Ne’eduni oras ne’e DNER hamutuk ho parseiro dezenvolvimentu, Banku Mundial, esforsu fo treinamentu kapasitasaun ba professor kontratadu sira konaba materia sira ne’ebe atu hanorin iha SKA ne’ebe estabelese ona .
Estudante no alunus sira iha Sentru Komunitaria Aprendizajen, la hanesan ho estudante no alunus husi eskola formal sira. SKA sira ne’e fo treinamentu no hanorin de’it ba sidadaun sira ne’ebe la akaba sira nia estudu iha Ensinu Baziku, Ensinu pre Sekundariu no Ensinu Sekundariu, inklui mos sidadaun avansadu sira ne’ebe la hatene lee no hakerek.