MEJD nia agradese wa'in ba sujestaun no preokupasaun Sr. Liurai Nasinalizmo, ne'ebe fo atensaun as tebes ba eskola sira ne'ebe afetadu hosi inundasaun hafoin udan bot

MEJD nia agradese wa'in ba sujestaun no preokupasaun Sr. Liurai Nasinalizmo, ne'ebe fo atensaun as tebes ba eskola sira ne'ebe afetadu hosi inundasaun hafoin udan bot iha loron 13/03/2020.
Ba situasaun ida ne'e, MEJD foti medida imediatu hodi komunika ho Ministerio Obras Publica (MOP), no MOP rasik konsidera ona iha lista prioridade atu hadia be dalan iha ESG 05 de Maio Becora nia kotuk. MEJD rasik mos desidi atu hari'i edifisiu foun ba sala 4 ne'ebe grave hanesan hatudu iha foto. Signifika edifisiu sala 4 iha foto ne'e sei baku rahun no konstroe foun.
Atu asegura prosesu aprendijazen, privoriumente Direktur ESG 05 de Maio, hetan ona solusaun atu jere didiak espasu sira ne'ebe posivel ba sala de aula, nune'e iha tempu badak mai, prosesu aprendijazen sei lao normal fali.
Dala ida tan MEJD agradese tebes ba Sr. Liurai Nasionalizmu no facebooker sira seluk hotu nia atensaun. Kontinua observa nafatin ho opiniaun konstrutivu ba MEJD. Bom trabalho ita hotu.