ME husu kompañia finalize konstrusaun Eskola Referénsia


Ministru Edukasaun Bendito dos San­tos Freitas husu ba kompañia ne’ebé ka’er obra konstrusaun edifísiu eskola referénsia, atu finaliza ona. Tanba ministériu hakarak utiliza edifísiu ne’e ba prosesu aprendizájen

Konstrusaun ba edifísiu eskola referénsia iha Distritu Mana­tutu, Baucau, Maliana, Ermera no Oe-cusse kleur ona. Maibé, kompañia ne’ebé ka’er obra ne’e seidauk finaliza.

Tuir observasaun Ministru Edu­kasaun Bendito dos Santos Freitas iha terrenu hatudu katak iha Dis­tritu Manatutu, konstrusaun foin atinji 50%. Baucau 50%. Maliana 50%. Ermera 85%. no Oe-cusse 90%. Konstrusaun Eskola refer­énsia iha Timor-Leste hetan difi­kuldade barak tanba nia dezeñu komplikadu inklui kompozisaun materiál, no mós kestaun seluk hanesan raihenek, fatuk. Husu kompañia tenke serbisu makaas.

Iha Ermera maka atu hotu ona, Oe-cusse mós atu hotu dadaun ona. Kon­strusaun to’o ohin loron seidauk hotu maka, Manatutu, Baucau no Maliana. Konstrusaun eskola hirak ne’e maior parte kompañia la kumpri data ne’ebé ministériu tau ne’ebá.

Baucau nian importante tanba ninia lokalidade konstrusaun halo iha área ne’ebé di’ak no seguru. Ministériu husu ba kompañia ninia vontade atu finaliza projetu refere
nune’e iha tem­pu badak ministériu bele utiliza ba prosesu aprendizájen.