Direção Recursos Humanos (DNRH), Ministerio da Educação, Juventude e Desporto (MEJD), konvoka tiha ona Sesaun Simulasaun ba preparasaun teste eskrita baseia ba padraun Comissão Função Publica (CFP) nian, ba Kargo Xefia sira, Inspektor Jeral no kargu ekipa

Dili, 08/01/2020: Direção Recursos Humanos (DNRH), Ministerio da Educação, Juventude e Desporto (MEJD), konvoka tiha ona Sesaun Simulasaun ba preparasaun teste eskrita baseia ba padraun Comissão Função Publica (CFP) nian, ba Kargo Xefia sira, Inspektor Jeral no kargu ekiparadus hamutuk 21 vagas iha MEJD. Simulasaun ne'e hola fatin iha Salão INFORDEPE "Ian Martin."
Sesaun ida ne'e importante atu apresenta esplikasaun tekniku ba konkorente sira hodi kompriende didiak kona-ba prosesu teste eskrita hosi Konkursu Publiku ba Kargu Xefia ne'e.
Marka prezensa iha sesaun simulasaun refere, Komisariu CFP, José Telo Soares Cristóvão – ne'ebe responsável ba portefólio asuntu Formasaun, SIGAP no Forsa Traballu nian. Diretora RH MEJD, inklui Ekipa Serbisu Konkursu ba Merito Kargu Xefia MEJD nian.
Hahu aban loron 9-10/01/2020, sei kontinua ho prosesu teste eskrita ba konkorente sira, hahu oras tuku 09.00 pontual, fatin iha CFP, Mataduoro, Dili.