ME realiza enkontru trilateral


Timor-leste hamutuk ho universidade husi nasaun viziñu Austrália, Indonézia serbisu hamutuk hametin dezenvolve edukasaun iha nível sub rejional nia laran. Kompromisu ne’e mosu liu husi enkontru entre parte tolu iha Ho­tél Timor, segunda (05/05/2014).

Ministru edukasaun, Bendito dos Santos Frei­tas fó sai katak, enkontru ne’e atu haree papél kona-ba instituisaun ensinu universidade iha rejiaun sub rejionál nian, partikularmente ku­perasaun ne’e halo husi Charles Darwin Uni­vercity, Universidade Nasionál Timor Lorosa’e (UNTL) no Universidade Udayana Bali, In­donézia.

Iha ne’e mós reprezentante husi universidade parte leste indonézia, Gaja Mada. Satya Waca­na ne’e ita fahe esperiénsia, husi tékniku hane­san nia konteúdu ne’ebé Primeiru Ministru hato’o ona katak, importante tebes atu partilla kona-ba dezafiu iha rejiaun, tanba ita forma si­dadaun global ne’e importante.

Papél Universidade la’ós atu hanorin de’it va­lores sientífiku maibé forma sidadaun ne’ebé ho hanoin atu deskobre ou peskiza klean kona-ba nesesidade rejionál, entermus dezenvolvi­mentu ekonómiku, dezenvolve umanu rasik , interpendénsia ema ho ema . Depois ida ne’e mós ba teknolojia informátika. Ita haree ka­tak, siénsia teknolojia-nia papel boot tebes iha mundu. Maibé fortifika informasaun labele lakon sentidu umanizmu. Tanba ne’e sidadaun globál ne’e konsiente ba realidade atuais, je­ográfika, polítika no kulturál.

Ministru hatutan tan katak, iha situasaun de­bate ida ne’e profesór Universidade sira ne’ebé marka prezensa iha ne’e mai husi Indonézia, Austrália, no mós Timor-Leste rasik.

Hein katak bele produz konseitu kona-ba pa­pél instituisaun peskiza influénsia universidade nian iha sub rejionál.

Iha fatin hanesan reitór UNTL Aurélio Gu­terres hateten, enkontru ne’e hanesan poli­neiru entre reitór husi Austrália, Indonézia ho Timor, atu halo preparasaun fó rekomen­dasaun atu enkontru tuir mai kona-ba forum juventude estudante iha sub-rejiaun, ne’ebé nia finalidade oinsa hamutuk ho Austrália no Indonézia atu halo kuoperasaun ba futuru rai ne’e nian, liuliu iha sub rejionál nia hane­san koalia kona-ba páz, estabilidade atu halo dezenvolvimentu.

Nia informa tan katak, oras ne’e estudante sira balun hala’o dadaun ona enkontru tuir mai atu haree ba estudante Austrália, Indonézia no Timoroan hamutuk atu haree ba atividade saida maka atu halo iha futuru, maibé fokus liu ba páz, estabilidade no sidadania.

UNTL prontu ba forum ida ne’e tanba UNTL maka fó apoiu ténkniku ba inisiál ne’e.

Entretantu, Dr. Muhammad Najib Azca hane­san Wakil Dekan Bidang Penelitian dan peng­abdian kepada masyarakat, kerjasama dan alumni Universitas GAJAH Mada, konsidera forum ne’e importante atu hadi’a sub rejionál ne’ebé halo husi Timor-Leste, Indonézia no Austrália atu sai símbolu ida.
Tanba nee atu haree dezenvolvimentu univer­sidade iha sub rejionál.