ME HALO AVALIASAUN BA MANUAL LIVRU 2014


Dili, 12/03/2014 - Ministériu Edukasaun liu husi Diresaun Nasional Kurrikulu no Avalia­saun eskolár hala’o enkontru ba avaliasaun manual eskolá 2014. Atu aprezenta disiplina kurri­kulu ba dahitu no dasia ne’ebé presiza tebes livru sira ba pros­esu apredizájem.

Ministru Edukasaun Bendito Freitas kasu lia hirak ba Jornal­ista sira Quarta (12/3/14) hafoin enkontru avaliasaun ba manual 2014 ho diretór nasional sira hotu iha diresaun Ministériu Edukasaun.

“Objetivu husi enkontru ida ne’e atu hadia kurrikulu no tau sistema ida ne’ebé lós a t u b e l e tulun ita nia oan sira nia futuru.
Iha okaziaun ne’e ministru husu ba diretór diresaun sira atu kotrola distribuisaun livru. Atu bele to’o iha alunu sira nia liman tanba dalaruma ministériu pro­dus livru gasta osan barak maibé la to’o iha alunu sira nia liman.

Produsaun livru ne’e rasik husi kompaña Portugal, ho prosesu kleur. Tanba ne’e maka, Minis­tru husu atu halo avaliasaun ba dezenvolve inpresaun livru sira ne’e.
Ministériu investe osan maka’as ba inpresaun livru. Tenki garantia livru ninia kualidade, liu-liu ko­nabá istória nasional tanba koalia konaba istória nasional Timor- Leste, livru ne’e tenki hakerek iha Timór no involve Timor oan sira tanba livru ne’e maka reflete tim­oroan nia abut nasionalismu.

“Ministériu la konkorda livru istória hakerek iha Portugal. mai­bé livru ne’e presiza dezenvolve hakerek iha Timor-Leste ho in­volvimentu másimu timoroan sira.
Autór sira iha kredibilidade no iha siénsia istória, maka abut ema n i a espíritu nasionalís­mu. Tanba ne’e maka tenki hakerek diak, wain­hira ema estuda istória ne’e fó au­menta ema nia domin ba nasaun.

Livru ne’ebé fa’an iha públiku tuir de’it relatóriu husi ekipa insp­esaun ME nian. tanba sira maka tun iha terrenu hetan livru ne’e haré lolós autorizasaun Ministé­riu edukasaun nian nusa mak livru ne’e bele sai ba pébliku ne’ebá enkuan­tu timór laiha Impressaun ida produs livru ba Edukasaun nian.

kazu ne’e iha ona prosesu investi­gasaun inspesaun Ministériu nian no sei servisu hamutuk ho KAK. ita hein katak bele iha rezultadu ne’ebé diak, husi investigasaun ne’e bele deskobre livru ne’ebé maka faan husi negosiante nia liman, baihinra deskobre ona, ministériu sei fó sansaun forte ba ak­tus ida nee.

Iha fatin hanesan diretór nasional Kurrikulu hateten, tuir nia avaliasaun katak diskusaun pozitivu tebes tanba bele hetan ideia husi kada diresaun hotu iha Ministériu Edukasaun nia laran no bele akompaña sistema distribusaun livru. avaliasaun nee konaba livru husi ensinu Báziku siklu da­huluk to’o ensinu S e kund á r iu jerál no tékni­ku vokasional.