Programa Eskola Foun iha EBC Canossa Has laran la’o diak


Dili, 10/3/14 - Profesór sira iha Ensinu Báziku Central (EBC), Canossa Has Laran Dili, durante ne’e ha­norin tuir programa ministériu edukasaun konaba eskola foun ba estudante sira.

Vise Ministra Pré-Eskolár no Ensinu Báziku Dulce de Jesus Soares sente satisfeitu ho métodu hanorin husi profsór EBC Canossa ba sira nia estudante sira tuir duni formasaun husi Ministériu fó ba profesór sira konaba implementasaun programa eskola foun.

Vise Ministra Dulce de Jesus Soares kasu lia hirak ne’e ba Buletin Sapién­sia iha nia servisu fatin Segunda feira (10/3/14) Vila Verde Dili.
Nia hatutan,“profesór sira nia esp­likasaun hatudu katak, profesór úza duni formasaun ne’ebé Ministériu Edukasaun hala’o durante ne’e hane­san programa eskola foun ne’ebé úza métode ativu, partisipativu, no sen­tralizadu ba alunu sira iha sala laran.

iha metodolojia foun ne’e, iha mós partisipasaun inan ho aman, atu bele eduka no motiva diak liu tan sira nia oan atu sai matenek liu tan
Entretantu, estudante sexto ano na’in haat husi eskola Ensinu Báziku Canossa hala’o peskiza ko­nabá prosesu aprendizájen mai iha ministériu edukasaun ho objetivu atu prepara an molok atu pasa klase ba sete ano. sira hakrak hatene lala’ok ministériu elabora planu ba futuru edukasaun nasaun ne’e nian.

Hafoin ramata simu vizita es­tudante na’in 4 ne’e, Vise min­istra esplika katak, “Sira agora tama ona iha sestu ano entaun fase parte husi sira nia lisaun antes sira ba sira nia sete ano entaun sira nia eskola haruka halo sira nia proposta ida no sira tenki halo mós intervista ho vise ministra ne’eduni sira mai to’o ministériu hasoru ha’u”.
eskola seluk bele halo hanesan estudante husi Canossa atu nune’e bele halo labarik sira iha mentalidade diak liu tan tanba hanesan eskola sira iha distritu bele intervista líder tradisional no líder komuni­dade sira.

Ministériu Edukasaun hakarak fo korajen ba eskola seluk bele pratika ba estudante sira bele halo ba instituisaun seluk hane­san parlamentu atu bele kum­priende servisu reprezentante povu iha uma fukun.

Avtividade sira hanesan ne’e parte husi programa eskola foun“Ita bele dehan katak for­masaun ne’ebé mak ita halo ba profesór, aplika duni tanba ho evidensia ne’ebé maka alunu sira halo intervista ho ha’u no wain­hira ha’u husu ba sira jestaun aula loron-loron nian halo oin nusa, sira esplika lolós kedas ho saida mak ita fó formasaun bá