Inspektór Pré-eskolar

Titulo Servisu                                             : Inspetór Pré-eskolar

Tipu Pozisaun                                             : Asistente Tékníku - Kontratadu

Durasaun Kontratu                                   : Tinan 1, bele Renova

Sei hato'o Relatoriu ba                           : Superintendente Distritu

Objetivu ba Posisaun                              : Atu Promove kualidade no akontabilidade iha Pré-eskolar

Tipu Rekurtamentu                                  : Públiku

Saláriu                                                           : Ekivalente ho Xefe Departamentu

 

  1. Lian Nakloke

Pre-eskolár iha Timor-Leste oras ne’e iha mudansa periodu ida dinámiku tebe-tebes.Iha fulan jullu, 2013, Politika Pre-eskolár aprovadu iha Konsellu Ministru no agora pre-eskolár nia kurríkulu mós iha hela fase revisaun.

Ministériu Edukasaun buka atu rekruta Inspetór Pre-eskolár na’in 26 -distritu ida ema na’in rua 2 -atu kontribui ba kualidade edukasaun iha area Pre-eskolár.

Inspetór pre-eskolár sira ne’e mak sei sai hanesan membru ba Inspetoria Jerál Edukasaun.“atu promove kualidade no akontabilidade sistema edukasaun iha nasaun Timor-Leste ”ne’ebé sai hanesan misaun boot inspetoria nian.

 

B. Responsabilidade Inspetór Pre-eskolár sira nian

      1. Kualidade prosesu hanorin iha Pre-eskolár

  • Kontribui ba kualidade edukasaun pré-eskolár liu hosi hala’o observasaun no fó rekomendasaun,konsellu no suporta ba prosesu aprendizajen no avaliasaun.

  • Monitoria prosesu hanorin ho aprende atu asegura katak faze ida-ne’e la’o tuir revisaun kurríkulu Pre-Eskolár nian.

  • Avalia kualidade aprendizajen iha eskola pre-eskolár sira.

  • Avalia kualidade pedagojia.

  • Fó rekomendasuan ba manorin sira oinsá sira atu maneija no kria prosesu aprendizajen ida ho kriativu iha klase laran.

  • Fó rekomendasaun ba koordenadór eskola pre-eskolár no manorin sira kona-ba jestaun hahalok labarik nian (management of student behavior).

  • Identifika area ne’ebé manorin sira presiza kontinua suporta no hato’o ka fó ajuda no konsellu.

  • Fó suporta no konsellu ba koordenadór pre-eskolár no manorin sira atu asegura katak formasaun ba dezenvolvimentu profisionál ne’ebé sira simu ka hetan, implementa ho efetivu.

  • Sukat lala’ok eskola pre-eskolár sira iha distritu hotu, konforme indikadór no standard sira edukasaun nian.

  • Buka hatene no haree problema se karik manorin sira la hanorin tuir estandard.

  • Servisu atu kompleta inspesaun halo relatoriu kona-ba kualidade hanorin.

2. Jestaun/administrasaun/rekursu umanu/finansas ba Pre-Eskolár

  • Monitoria koordenadór Pre-Eskolár no manorin sira kona-ba sira-nia prezensa, pontualidade no administrasaun.

  • Monitoria kona-ba fundu eskolár nian (n.e.merenda eskolár, konsesaun eskolár) no suporta transparénsia no akontabilidade bainhira implementa.

  • Monitoria kualidade dadus estudante sira nian,manorin Pre-Eskolár sira, no dadus Pre-Eskolár iha EMIS.

  • Monitoria no garantia katak politika, regulasaun no despazu ne’e bé iha relevante iha nivel Pre-Eskolár.

  • Monitoria no hato’o rekomendasaun ba koordenadór pre-eskolár sira kona-ba jestaun no administrasaun iha eskola pre-eskolár sira (inklui dadus manorin sira nian, estudante sira, lista materiál, lista prezensa, planu lisaun, no avaliasauan).

  • Antisipa problema iha Pre-Eskolár no fó suporta ba manorin sira atu dezenvolve solusaun prátika.

  • Identifika asuntu potensiál liu hosi halo investigasaun no audit.

  • Investiga kestaun no fó rekomendasaun ba orgaun competente sira kona-ba konsesaun eskolár, merenda eskolár, manorin la tama servisu, insidente abuzu, nst.

3. Pre-eskolár Fatin no fasilidade seluk

  • Hato’o ba nivel Distritu kona-ba kondisaun fízika Pre-Eskolár nian; eskola fatin,fasilidade saniamentu, provizaun ba bee moos.

  • Hato’o no halo rekomendasaun ba nivel Distritu kona-ba kualidade no kuantidade materiál,inklui material aprendizajen, mobiláriu no ekipamentu sira.

4. Relasaun

  • Enkoraja koordenadór pre-eskolár no manorin sira atu estabelese no mantein relasaun ho inan-aman no komunidade sira.

  • Enkoraja inan-aman no komunidade sira atu partisipa iha eskola pre-eskolár.

  • Suporta programa edukasaun ba inan-aman ne’ebé estabelese no implementa ona.

  • Hatudu attitude hanesan mediadór entre inan-aman no manorin sira liu hosi asuntu ka problema loro-loron nian.

  • Simu informasaun hosi komunidade kona-ba la uza material públiku no hato’o ba autoridade ne’ebé apropriadu.

  • Hatudu hahalok lider diak ida nian, no protetór,la’os hanesan ditatór entre inan-aman ho manorin durante asuntu loro-loron nian.

5. Planeamentu

  • Monitoria preparasaun no implementasaun planu pre-eskolár nian.

  • Monitoria implementasaun pre-eskolár nia planu lisaun sira.

  • Monitoria preparasaun no ezekusaun orsamentu anuál pre-eskolár nian.


6. Relatóriu

  • Uza sistema komunikasaun no sistema relatóriu ne’ebé akordu ona, no hato’o rekomendasaun ba Superintedente Distritu no ajénsia relevante sira.

7. Komunikasaun no Koordenasaun

  • Fó infórmasaun loos kona-ba kestaun ka resultadu balun e’ebé Ministériu ka ajénsia relevante sira husu.

  • Fó suporta no kolabora ho inspector pre-eskolár seluk no inspector eskola sira kona-ba baze resolusaun konflitu ba eskola no mediasaun.

  • Kolabora ho ofisiál nasionál kona-ba lala’ok avaliasaun manorin pre-eskolár no staf sira nian.

  • Fó konsellu no fórekomendasaun ba ofisiál nasionál sira kona-ba oinsá atu hadi’a jestaun no administrasaun iha area pre-eskolár.

  • Servisu no kolabora hamutuk ho diresaun distritu no servisu edukasaun administrative iha distritu sira.

  • Servisu hamutuk ho komunidade, autoridade lokál, administrasaun Sub Distritu no Distritu nian, no NGO sira.

  • Ko’alia ho inan-aman (komunidade) ho manorin sira bei-beik, hodi asegura katak kualidadea prendizajen no ambiente aprendizajen aplika ka eziste iha area pre-eskolár.

 

C. Kritéria Selesaun

  1. Kritéria Obrigatóriu

  • Sidadaun Timor-Leste.

  • Nunka halo asaun criminal ka halo ameasa iha funsaun públiku. Nunka halo asaun criminal ne’ebé ninia kastigu senténsia tinan rua ba leten, ka aktu sira seluk ne’ebé la aliña ho funsaun Administrasaun Públiku nian.

  • La hetan terminasaun servisu husi instítuisaun públiku.

  • Nunka hetan kazu abuzu labarik ka abuzu seksuál.

  • Iha saude diak, fízika no mentálida fórte.

  • Iha abilidade koa’lia Tetun ho di’ak, no mós koñesimentu di’ak lian-inan nian iha Distritu serbisu.

  • Tenke servisu loro-loron iha servisu fatin iha Distritu no tenke iha hela-fatin iha Distritu ne’ebé besik servisu fatin.

  • Tenke iha koñesimentu klean kona-ba kontestu Distritu nian.

  • Tenke hatene sa’e motorizadu.

  • Tenke ih akartaun kundusaun.

  • Tenke disponivel atu halo viajen loro-loron ba eskola pre-eskolár sira, no balu iha area remota sira.

  1. Abilitasaun,EsperiénsiaEspesífikukona-baPozisaunne’e.

Kualifikasaun no Esperiénsia (40%)

  • Lisensiatura (S1) iha area Edukasaun ka pozisaun ne’ebé refere ka esperiénsia profisionál relevante ba pozisaun ne’e.

  • Ihaesperiensia ho evidénsiane’ebéhatudukatak,motivaema no halo mudansa.

Abilitasaun Tékniku (25%)

  • Abilidade profisionál atu hakerek dokumentu ka relatóriu.

  • Iha koñesimentu kona-ba komputadór no iha abilidade atu suporta komunikasaun ida ne’ebé efetivu.

  • Iha koñesimentu kona-ba programa edukasaun sedu ba labarik (Early Childhood Education-ECE) no atividade halimar ho aprende.

Aprosimasaun Pesoál (25%)

  • Iha personalidade ida be di’ak, inklui abilidade atu dezenvolve no mantein relasaun profisionál.

  • Iha abilidade atu jere mudansa no fornese solusaun inovativu.

  • Hatudu hahalok ne’ebé fó prioridade ba servisu no buka atu hetan rezultadu ida di’ak tuir data limite.

  • Iha komitmentu boot atu suporta prosesu aprendizajen ida be efetivu tuir politika pre-eskolár no pedagojia iha reforma kurríkulu.


Seluk-seluk (10%)

  • Sei determina liu hosi panel rekrutamentu, bazeia ba karta aplikasaun no lala’ok iha entrevista.