Komunikadu Imprensa kona ba Notisia Kazu neebe involve Direitor Eskola "São Miguel" ho nia Aluna

V GOVERNO CONSTITUCIONAL

MINISTÉRIO DA EDUCAÇÃO

GABINETE DO VICE-MINISTRO DO ENSINO SECUNDÁRIO

Vila-verde,Dili Timor-Leste,3336932

Komunikadu Imprensa

Gabinete Vice Ministro do Ensino Secundário

Gabinete Vice-Ministro do ensino Secundário Ministério Educação iha biban ida-ne’e, akompaña hodia’k kona-ba notisia kazu ne’ebé involve Diretór da eskola “São Miguel” ho nia aluna.

Gabinete Vice-Ministro do Ensino Secundário mós akompañia ho besik kona-ba komentáriu sira oin-oin ne’ebé lansa iha média ofisiál nomós la ofisiál hanesan; Facebook no sira-seluk tan ne’ebé mós tradús ba iha lian inglés no hatutan husi organizasaun sosiedade sivíl sira balun ba iha média ba rai-li’ur.

Gabinete Vice-Ministro do Ensino Secundário akompaña mós komentáriu husi Sua Exelénsia Embaxadora Boa Vontade ba Edukasaun kona-ba asuntu ne’ebé refere, ne’ebé hatún iha Timor-Post, edisaun sexta (07/2/2014) .

Gabinete Vice-Ministro do Ensino Secundário konsidera diskusaun ida-ne’e hatudu katak ema hotu-hotu iha interese no iha preokupasaun ba dezenvolvimentu setór edukasaun ne’ebé fokaba “morál” no fó hanoin ba edukadór sira atu hatuur sira-nia an hanesan edukadór no proteje alunu sira husi hahalok ne’ebé ladi’ak hasoru sira.

Durante ne’e, Gabinete Vice-Ministro Ensino Sekundário nian mós hanoin katak, tuir loloos lapresiza hato’o klarifikasaun ruma, tamba “asuntu” ne’ebé ko’alia la’o ses presaun formál ne’ebé liu hosi entrevista formál. Maibé, tamba asuntu ne’e sai polémika ona, maka liu hosi Komunikadu imprensa ida-ne’e, Gabinete Vice-Ministro do Ensino Sekundário hakarak hato’o klarifikasaun ruma ba públiku ho nune’e bele evita polémika ne’ebé sai naruk no la fundamentál.

Pontu sira-ne’e hanesan tuir mai ne’e:

Hanesan Vice-Ministro, ne’ebé reprezenta instituisaun estadu nian; hanesan Aman ida ba oan sira; hanesan kordenadór komisaun Asuntu Veteranus, nunka hanoin atu fó deklarasaun ofisiál ne’ebe maka bele halo públiku nia laran kanek no iha tendénsia atu proteje mane sirane’ebé sai autór no minimiza aluna sira iha eskola;
Iha kazu ne’ebé refere, Ministériu edukasaun iha fulan Novembru 2013, haruka tiha ona Inspetór Jerál Ministériu Edukasaun nian atu halo investigasaun kle’an kona-ba asuntu ne’e, molok atu foti asaun ruma ne’ebé atu proteje aluna iha eskola ne’e. Maske prosesu investigasaun la’o hela maibé iha mós dezafiu ne’ebé Ministériu enfrenta tamba Diretór Eskola ne’ebé refere la’os ema funsionáriu ne’ebé bele aplika ho sansaun ne’ebé normalmente kesi ho lei funsaun públiku. Maske iha dezafiu ne’ebé Ministériu hasoru, iha kazu ida-ne’e, Ministeriu Edukasaun iha responsabilidade boot atu proteje labarik mane no feto sira hanesan atu hetan sira-nia Direitu ba edukasaun. Labarik-feto sira tenke hetan sira-nia edukasaun la ho ameasa ka abuzu seksuál hosi mestre ka administrasaun.
Hakarak mós salienta katak; Hahú fulan otubru,Ministériu Edukasaun deside kria Kódigu Konduta ida ba administrasaun, profesór no alunu sira hotu, hodi bele hasa'e kualidade eskola no bele fó medida dixiplinár ba kualkér ema ne'ebé involve iha maneira ne'ebé la ajuda labarik sira iha atividade aprendizajen.

Ikus liu Gabinete Vice-Ministro Ensino Secundário hakarak hato’o katak tamba iha kazu ida, hafoin mosu fali kazu seluk ne’ebé konsidera hanesan“dezentendimentu”entre saída mak bele konsidera hanesan statementu formal no saída mak hanesan statementu informal no “offthe record” iha profisaun jornalismo nian. Ho ida-ne’e Gabinete Vice-Ministru Ensinu Sekundáriu hakarak hato’o ba públiku katak, hanesan Membru do Governu iha V Governu Konstitusionál, S. Exa. Primeiro Ministro mak iha kompeténsia tomak atu bele foti sansaun ruma karik iha Membro Governo ruma komentariu ruma iha governasaun nia laran. Gabinete mós reforsa katak, hanesan Individu Virgilio Simith nomós hanesan Vice-Ministro do Ensino Secundário sempre prontu iha tempu saída deit, atu asumi responsabilidade no hatán saida deit ba superiór Sua Exelénsia Primeiro Ministro nomós iha investigasaun ruma ne’ebé loke ba kazune’ebé refere.

Obrigadu Wa’in ba Públiku nia atensaun
Xefe Gabinete, Vise Ministru Ensinu Sekundáriu

Obrigadu Wa’in ba Públiku nia atensaun
Xefe Gabinete, Vise Ministru Ensinu Sekundáriu
Miguel Acacio Faria